ക്യാമ്പസ്

ബിരുദ ചോദ്യക്കടലാസ് വിതരണം പോര്‍ട്ടല്‍ വഴി സുരക്ഷിതമായി തന്നെ തുടരും കാലിക്കറ്റ് സര്‍വകലാശാലയുടെ അഞ്ചാം സെമസ്റ്റര്‍ ബിരുദ പരീക്ഷാ ചോദ്യക്കടലാസുകള്‍ ഇമെയിലിലാണ് വിതരണം ചെയ്തതെന്നത് തെറ്റായ പ്രചാരണമാണെന്ന് സിന്‍ഡിക്കേറ്റ് പരീക്ഷാ സ്ഥിരംസമിതി. കോളേജ് പോര്‍ട്ടലില്‍ അതത് കോളേജുകളിലെ ഉത്തരവാദിത്തപ്പെട്ട പരീക്ഷാ സൂപ്രണ്ടുമാര്‍ക്കോ പ്രിന്‍സിപ്പല്‍മാര്‍ക്കോ പാസ്വേഡ് ഉപയോഗിച്ച് തുറക്കാവുന്ന തരത്തിലാണ് ചോദ്യക്കടലാസ് നല്‍കിയത്. ഇതിന് ത്രിതല സുരക്ഷ ഉറപ്പാക്കുകയും ചെയ്തിട്ടുണ്ട്. കോളേജുകളിലെ സാങ്കേതിക സംവിധാനങ്ങളുടെ അപര്യാപ്തത മൂലം പോര്‍ട്ടല്‍ ഉപയോഗിക്കാന്‍ കഴിയാതിരുന്ന രണ്ടോ മൂന്നോ സ്ഥാപനങ്ങള്‍ക്ക് മാത്രമാണ് സര്‍വകലാശാല

എം.എ. ഉറുദു സ്‌പോട്ട് അഡ്മിഷന്‍ കാലിക്കറ്റ് സര്‍വകലാശാലാ ഉറുദു പഠനവിഭാഗത്തില്‍ എം.എ. ഉറുദുവിന് ഒഴിവുള്ള സീറ്റിലേക്ക് സ്‌പോട്ട് അഡ്മിഷന്‍ നടത്തുന്നു. ഫെബ്രുവരി 4-ന് രാവിലെ 10.15-ന് പഠനവിഭാഗം ഓഫീസില്‍ നടക്കുന്ന അഭിമുഖത്തിന് വിദ്യാര്‍ത്ഥികള്‍ അസ്സല്‍ രേഖകള്‍ സഹിതം ഹാജരാകണം. പരീക്ഷാ അപേക്ഷ അഫ്‌സലുല്‍ ഉലമ പ്രിലിമിനറി രണ്ടാം വര്‍ഷ മാര്‍ച്ച് 2022 റഗുലര്‍, സപ്ലിമെന്ററി, ഇംപ്രൂവ്‌മെന്റ് പരീക്ഷകള്‍ക്ക് പിഴ കൂടാതെ ഫെബ്രുവരി 15 വരെയും 170 രൂപ പിഴയോടെ 17 വരെയും ഫീസടച്ച് ഓണ്‍ലൈനായി രജിസ്റ്റര്‍ ചെയ്യാം.

കോളേജ് യൂണിയന്‍ തിരഞ്ഞെടുപ്പ് കാലിക്കറ്റ് യൂണിവേഴ്‌സിറ്റി 2021-22 അധ്യയനവര്‍ഷത്തെ കോളേജ് വിദ്യാര്‍ഥി യൂണിയന്‍ തിരഞ്ഞെടുപ്പ് കാര്യങ്ങള്‍ ചര്‍ച്ച ചെയ്യാന്‍ വിദ്യാര്‍ഥി സംഘടനാ പ്രതിനിധികളുടെ യോഗം 24-ന് ഉച്ചക്ക് 2.30-ന് ഓണ്‍ലൈനായി ചേരും. ഓരോ വിദ്യാര്‍ഥി സംഘടനയില്‍ നിന്ന് ഒരാള്‍ വീതം പങ്കെടുക്കണമെന്ന് വിദ്യാര്‍ഥി ക്ഷേമവിഭാഗം ഓഫീസ് അറിയിച്ചു. യോഗത്തിന്റെ ലിങ്ക് പ്രതിനിധികള്‍ക്ക് ലഭ്യമാക്കും. ബി.എഡ്. കേന്ദ്രത്തില്‍ അധ്യാപക ഒഴിവ് മഞ്ചേരിയിലുള്ള കാലിക്കറ്റ് സര്‍വകലാശാലയുടെ അധ്യാപക പരിശീലന കേന്ദ്രത്തില്‍ അസി. പ്രൊഫ. (മാത്സ്) ഒഴിവിലേക്ക് മണിക്കൂര്‍ വേതനാടിസ്ഥാനത്തില്‍ നിയമനം