മലപ്പുറം:നിയമസഭാ തെരഞ്ഞെടുപ്പിൽ ജില്ലയിലെ മുഴുവൻ മണ്ഡലങ്ങളിലും യു.ഡി.എഫിന് ജയം. ആകെയുള്ള 16 മണ്ഡലങ്ങളിൽ 12 ഇടത്ത് മുസ്ലിം ലീഗും നാലിടത്ത് കോൺഗ്രസും വിജയിച്ചു. കൊണ്ടോട്ടി – ടി പി അഷ്റഫലി, ഏറനാട്- പികെ ബഷീർ, മഞ്ചേരി അഡ്വ. എം. റഹ്മത്തുള്ള, പെരിന്തൽമണ്ണ- നജീബ് കാന്തപുരം, മങ്കട- മഞ്ഞളാം കുഴി അലി, മലപ്പുറം- പി.കെ കുഞ്ഞാലിക്കുട്ടി, വേങ്ങര- കെ.എം ഷാജി, വള്ളിക്കുന്ന്- ടി.വി ഇബ്രാഹിം, തിരൂരങ്ങാടി പി.എം.എ സമീർ, താനൂർ- പി.കെ നവാസ്, തിരൂർ- കുറുക്കോളി മൊയ്ദീൻ, കോട്ടക്കൽ – ആബിദ് ഹുസൈൻ തങ്ങൾ (എല്ലാവരും മുസ്ലിം ലീഗ് പ്രതിനിധികൾ), നിലമ്പൂർ – ആര്യാടൻ ഷൌക്കത്ത്, വണ്ടൂർ – എ.പി അനിൽകുമാർ, പൊന്നാനി -കെപി നൗഷാദ് അലി, തവനൂർ -അഡ്വ. വി.എസ് ജോയ് (എല്ലാവരും കോൺഗ്രസ് പ്രതിനിധികൾ) എന്നിവരാണ് ജില്ലയിൽനിന്ന് നിയമസഭയിലേക്ക് തെരെഞ്ഞെടുക്കപ്പെട്ട ജനപ്രതിനിധികൾ.
വോട്ടെണ്ണലിനോടനുബന്ധിച്ച് ജില്ലയിലെ ഏഴ് കേന്ദ്രങ്ങളിലായാണ് 16 മണ്ഡലങ്ങളിലേക്കുള്ള വോട്ടെണ്ണൽ പൂർത്തിയായത്.
കൊണ്ടോട്ടി, ഏറനാട്, മഞ്ചേരി, പെരിന്തല്മണ്ണ, മങ്കട, മലപ്പുറം എന്നീ നിയമസഭാ മണ്ഡലങ്ങളുടെ വോട്ടെണ്ണല് മലപ്പുറം ഗവ.കോളെജിലും നിലമ്പൂര്, വണ്ടൂര് മണ്ഡലങ്ങളുടേത് നിലമ്പൂര് അമല് കോളെജ് ഓഫ് അഡ്വാന്സ്ഡ് സ്റ്റഡീസിലും വേങ്ങര, വള്ളിക്കുന്ന്, തിരൂരങ്ങാടി എന്നീ മണ്ഡലങ്ങളുടേത് യഥാക്രമം തിരൂരങ്ങാടി കെ.എം.മൗലവി മെമ്മോറിയല് ഓര്ഫനേജ് അറബിക് കോളെജ്, തിരൂരങ്ങാടി ഗവ.ഹയര്സെക്കന്ഡറി സ്കൂള്, തിരൂരങ്ങാടി ഓര്ഫനേജ് അപ്പര് പ്രൈമറി സ്കൂള് എന്നിവിടങ്ങളിലും താനൂര്, തിരൂര്, കോട്ടക്കല് മണ്ഡലങ്ങളുടേത് തിരൂര് എസ്.എസ്.എം.പോളിടെക്നിക്കില് നടന്നു. തവനൂര്, പൊന്നാനി മണ്ഡലങ്ങളുടേത് പൊന്നാനി അച്യുത വാര്യര് ഹയര്സെക്കന്ഡറി സ്കൂളിലും നടന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
