HIGHLIGHTS : If you do not wear a mask, do not file a case; Center with proposal to states
ന്യൂഡല്ഹി: രാജ്യത്ത് കോവിഡ് കേസുകള് കുറയുന്ന സാഹചര്യത്തില് കോവിഡ് വ്യാപനത്തെ തുടര്ന്ന് ഏര്പ്പെടുത്തിയ നിയന്ത്രണങ്ങളില് ഇളവ് നല്കി കേന്ദ്ര സര്ക്കാര്. പൊതു ഇടങ്ങളില് മാസ്ക് ധരിച്ചില്ലെങ്കിലും ആള്ക്കൂട്ട നിയന്ത്രണം ലംഘിച്ചാലും ഇനി മുതല് കേസെടുക്കില്ല. സംസ്ഥാനങ്ങള്ക്ക് കേന്ദ്ര സര്ക്കാര് ഇത് സംബന്ധിച്ച് നിര്ദേശം നല്കി.കേന്ദ്ര ആഭ്യന്തര സെക്രട്ടറി അജയ്ഭല്ല ഇക്കാര്യം ചൂണ്ടിക്കാട്ടി സംസ്ഥാനങ്ങള്ക്ക് കത്തെഴുതി.
കോവിഡ് വ്യാപനം ഗണ്യമായി കുറഞ്ഞതോടെയാണ് ഇളവുകള് നല്കുന്നത്. ഈ സാഹചര്യത്തിലാണ് ദുരന്ത നിവാരണ നിയമപ്രകാരം കൊണ്ടുവന്ന നിയമങ്ങള് സംസ്ഥാനങ്ങള്ക്ക് ഒഴിവാക്കാം എന്ന് കേന്ദ്രം നിര്ദേശം നല്കിയത്.
കോവിഡ് വ്യാപനം തടയാന് 2020 ലാണ് മാസ്കും കൂടിച്ചേരലുകള് അടക്കമുള്ള നിയന്ത്രണങ്ങള് കേന്ദ്ര ആഭ്യന്തര മന്ത്രാലയം ഏര്പ്പെടുത്തിയിരിന്നത്. ആ ഉത്തരവിന്റെ കാലാവധി മാര്ച്ച് 25 ന് അവസാനിക്കുകയാണ്.