ചെന്നൈ: തമിഴ്നാട് വൈദ്യുതി എക്സൈസ് മന്ത്രി വി സെന്തില് ബാലാജിയെ ഇഡി അറസ്റ്റ് ചെയ്തു. ജോലിക്ക് കോഴ വാങ്ങിയെന്ന കേസിലാണ് അറസ്റ്റ്. ജയലളിത സര്ക്കാരില് മന്ത്രിയായിരിക്കെ കൈക്കൂലി വാങ്ങിയെന്നാണ് കേസ്. നിലവില് ഡിഎംകെ സര്ക്കാരില് വൈദ്യുതി – എക്സൈസ് മന്ത്രിയാണ്. 18 മണിക്കൂര് ചോദ്യം ചെയ്ത ശേഷം ആണ് അറസ്റ്റ് രേഖപ്പെടുത്തിയത്. മന്ത്രിയുടെ ഓഫീസിലും വീട്ടിലും ഇഡി ഇന്നലെ പരിശോധന നടത്തിയിരുന്നു.
അറസ്റ്റ് രേഖപ്പെടുത്തിയ സെന്തില് ബാലാജിയെ നെഞ്ചുവേദനയെ തുടര്ന്ന് ആശുപത്രിയിലേക്ക് മാറ്റി. അറസ്റ്റില് പ്രതിഷേധവുമായി ഡിഎംകെ രംഗത്തെത്തി. അറസ്റ്റ് നിയമവിരുദ്ധമെന്നും നിയമപരമായി നേരിടുമെന്നും ഡിഎംകെ പറഞ്ഞു. ഉദയ്നിധി സ്റ്റാലിന് ഉള്പ്പെടെയുള്ള മന്ത്രിമാര് ആശുപത്രിയില് എത്തി.
ജയലളിതയുടെ ഭരണകാലത്ത് 2011 മുതല് 2015 വരെ ഗതാഗതമന്ത്രിയായിരുന്ന സെന്തില് ബാലാജി പിന്നീട് ഡി.എം.കെ.യില് ചേരുകയായിരുന്നു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
