ദില്ലി: കഷായത്തില് വിഷം കലര്ത്തി കാമുകനെ കൊലപ്പെടുത്തിയ കേസില് ക്രൈംബ്രാഞ്ച് ഡിവൈഎസ്പി ഫയല് ചെയ്ത അന്തിമ റിപ്പോര്ട്ട് റദ്ദാക്കണമെന്ന് ആവശ്യപ്പെട്ട് സുപ്രീം കോടതിയെ സമീപിച്ച് ഗ്രീഷ്മയടക്കമുള്ള പ്രതികള്. സാങ്കേതിക കാരണങ്ങള് ഉന്നയിച്ചാണ് പുതിയ ഹര്ജി. ക്രൈംബ്രാഞ്ച് ഡിവൈഎസ്പിക്ക് അന്തിമ റിപ്പോര്ട്ട് ഫയല് ചെയ്യാന് നിയമപരമായ അധികാരമില്ലെന്നാണ് വാദം. സ്റ്റേഷന് ഹൗസ് ഓഫീസര്ക്കേ അന്തിമ റിപ്പോര്ട്ട് ഫയല് ചെയ്യാന് കഴിയൂ എന്നാണ് ഹര്ജിയില് ചൂണ്ടിക്കാട്ടുന്നത്.
നേരത്തെ ഈ ആവശ്യം ഹൈക്കോടതി തള്ളിയിരുന്നു. ഗ്രീഷ്മയ്ക്കായി അഭിഭാഷകന് ശ്രീറാം പറക്കാട്ടാണ് ഹര്ജി സമര്പ്പിച്ചത്. ഗ്രീഷ്മയ്ക്കു പുറമെ കേസിലെ രണ്ടും മൂന്നും പ്രതികളായ അമ്മ സിന്ധുവും അമ്മാവന് നിര്മലകുമാരന് നായരുമാണ് ഹര്ജിക്കാര്. പ്രണയബന്ധത്തില്നിന്നു പിന്മാറാന് വിസമ്മതിച്ചതിനെ തുടര്ന്ന് 2022 ഒക്ടോബര് 14-ന് ഗ്രീഷ്മ കാമുകന് ഷാരോണ് രാജിനെ വീട്ടില് വിളിച്ചു വരുത്തി കഷായത്തില് കളനാശിനി കലര്ത്തി നല്കിയെന്നാണു കേസ്. കേസിലെ വിചാരണ തമിഴ്നാട്ടിലേക്ക് മാറ്റണമെന്ന ഗ്രീഷ്മയുടെ ഹര്ജി സുപ്രീം കോടതി നേരത്തെ തള്ളിയിരുന്നു. നിലവില് ഇടപെടാന് ഇല്ലെന്നായിരുന്നു കോടതി അന്ന് വ്യക്തമാക്കിയത്.
കാമുകനെ കഷായത്തില് വിഷം കൊടുത്തു കൊന്ന ഗ്രീഷ്മ 11 മാസങ്ങള്ക്ക് ശേഷം കഴിഞ്ഞവര്ഷം സെപ്റ്റംബറിലാണ് അവസാനമാണ് ജാമ്യം ലഭിച്ച് ജയില് മോചിതയായത്. പൊലീസ് കസ്റ്റഡിയില് കഴിയവെ ബാത്റൂം ക്ലീനര് കഴിച്ച് ആത്മഹത്യാശ്രമം നടത്തിയതിനും ഗ്രീഷ്മക്കെതിരെ പൊലീസ്കേസ് രജിസ്റ്റര് ചെയ്തിരുന്നു.
ഗ്രീഷ്മയും ഷാരോണും പ്രണയബന്ധരായിരുന്നു. പിന്നീട് ഗ്രീഷ്മയ്ക്ക് നല്ല സാമ്പത്തിക ശേഷിയുള്ള സൈനികന്റെ വിവാഹ ആലോചന വന്നു. തുടര്ന്ന് ഷാരോണിനെ ഒഴിവാക്കാന് ഗ്രീഷ്മ പലതവണ ശ്രമിച്ചെങ്കിലും ഷാരോണ് പിന്മാറാന് തയ്യാറായിരുന്നില്ല. ഇതോടെയാണ് ഷാരോണിനെ കൊലപ്പെടുത്താന് ആസൂത്രണം നടത്തിയതെന്നാണ് പൊലീസിന്റെ കുറ്റപത്രം.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
