HIGHLIGHTS : പരപ്പനങ്ങാടി: കഴിഞ്ഞ ദിവസം പരപ്പനങ്ങാടി പുത്തൻപീടികയിൽ ഡി.വൈ.എഫ്.ഐ പ്രവർത്തകനെ ആക്രമിച്ച് അപായപ്പെടുത്താൻ
പരപ്പനങ്ങാടി: കഴിഞ്ഞ ദിവസം പരപ്പനങ്ങാടി പുത്തൻപീടികയിൽ ഡി.വൈ.എഫ്.ഐ പ്രവർത്തകനെ ആക്രമിച്ച് അപായപ്പെടുത്താൻ ശ്രമിച്ച കേസിൽ ആർ.എസ്.എസ്. പ്രവർത്തകനെ പോലീസ് പിടികൂടി. കോട്ടത്തറ പുനത്തിൽ ശരത്ത് (28)നെയാണ് പരപ്പനങ്ങാടി എസ് ഐ
മോഹൻദാസും സംഘവും പിടികൂടിയത്.
ഇരുചക്രവാഹനങ്ങളിലായി വന്ന ആർ.എസ്.എസ്- സംഘം പരപ്പനങ്ങാടി പുത്തന്പീടിക സ്വദേശി കറുത്തേടത്ത്
നുബുവുവിനെ ആക്രമിക്കുകയായിരുന്നു. യുവാവിന്റ നിലവിളി കേട്ട് നാട്ടുകാർ ഓടികൂടിയതിനാൽ സംഘം രക്ഷപ്പെട്ടു.
ഇതിനിടെ ഇവരെത്തിയ ഒരു ബൈക്ക് കൊണ്ട് പോവാൻ സാധിച്ചിരുന്നില്ല’ഇതിന്റെ ഉടമസ്ഥനെ പറ്റി അന്വേഷിച്ചതിനെ
തുടർന്നാണ് പരപ്പനങ്ങാടി കോട്ടത്തറയിൽ നിന്ന് പ്രതിയെ പിടികൂടിയത്. അ ക്രമിസംഘത്തിൽ പത്തോളം പേരുണ്ടന്ന് പോലീസ് പറഞ്ഞു. വധശ്രമമടക്കമുള്ള കുറ്റമാണ് ഇവര്ക്കെതിരെ ചുമത്തിയിരിക്കുന്നത്.
ആക്രമണത്തില് തലയ്ക്ക് പരിക്കേറ്റ നുബു തിരൂരങ്ങാടി താലൂക്ക് ആശുപത്രിയില് ചികിത്സയിലാണ്
മലപ്പുറം കോടതിയിൽ ഹാജരാക്കിയ പ്രതിയെ റിമാന്റ് ചെയ്തു. വരും ദിവസങ്ങളില് കൂടുതല് അറസ്റ്റ് ഉണ്ടാകുമെന്നാണ് സൂചന