HIGHLIGHTS : അതിതീവ്ര വൈറസ് കൂടുതല് രാജ്യങ്ങളിലേക്ക് പടരുന്നു.അമേരിക്ക, യുഎഇ, കാനഡ , ഫ്രാന്സ് എന്നിവിടങ്ങളിലെല്ലാം പുതിയ കോവിഡ് വൈറസ് സ്ഥിരീകരിച്ചു.അതേസമയം ഇന...
അതിതീവ്ര വൈറസ് കൂടുതല് രാജ്യങ്ങളിലേക്ക് പടരുന്നു.അമേരിക്ക, യുഎഇ, കാനഡ , ഫ്രാന്സ് എന്നിവിടങ്ങളിലെല്ലാം പുതിയ കോവിഡ് വൈറസ് സ്ഥിരീകരിച്ചു.അതേസമയം ഇന്ത്യയില് 14 പേര്ക്ക് കൂടി ജനിതക മാറ്റം വന്ന വൈറസ് രോഗബാധ സ്ഥിരീകരിച്ചു.ഇതോടെ രാജ്യത്ത് ജനിതക മാറ്റം സംഭവിച്ച കോവിഡ് വൈറസ് ബാധിച്ചവരുടെ എണ്ണം 20 ആയി.ഇന്നലെ 6 പേര്ക്ക് സ്ഥിരീകരിച്ചിരുന്നു.
ഡല്ഹി-9 ,ബംഗളൂരു -7, ഹൈദരാബാദ് -2 ,പുണെ -1, കൊല്ക്കത്ത 1 എന്നിങ്ങനെയാണ് കണക്കുകള്.യുകെയില് നിന്ന് മടങ്ങിയെത്തിയ ഉത്തര്പ്രദേശ് മീററ്റിലെ രണ്ട് വയസ്സുകാരിയാണ് വകഭേദം വന്ന വൈറസ് ബാധ സ്ഥിരീകരിച്ചവരില് ഒരാള്. കുട്ടിയുടെ അച്ഛനും അമ്മക്കും കോവിഡിന്റെ പഴയ വകഭേധം തന്നെയാണ് കണ്ടെത്തിയിരിക്കുന്നത്.
യുകെയില് നിന്ന് ആന്ധ്രപ്രദേശില് നിന്നെത്തിയ ഒരു സ്ത്രീക്കും വകഭേദം വന്ന വൈറസ് ബാധ സ്ഥിരീകരിച്ചു. കോവിഡ് സെന്ററില് നിന്ന് രക്ഷപ്പെട്ട ആംഗ്ലോ ഇന്ത്യന് യുവതിക്കാണ് അതിതീവ്ര വൈറസ് സ്ഥിരീകരിച്ചത്.