HIGHLIGHTS : 6th phase of Lok Sabha elections today, 58 constituencies go to booth
ദില്ലി: ആറാം ഘട്ട ലോക്സഭ തെരഞ്ഞെടുപ്പ് ഇന്ന്. ആറ് സംസ്ഥാനങ്ങളിലും രണ്ട് കേന്ദ്രഭരണ പ്രദേശങ്ങളിലുമായി 58 മണ്ഡലങ്ങളിലാണ് തെരഞ്ഞെടുപ്പ് നടക്കുന്നത്. ദില്ലിയിലെയും ഹരിയാനയിലെയും എല്ലാ സീറ്റുകളിലും ഈ ഒറ്റഘട്ടത്തിലാണ് വോട്ടെടുപ്പ്. 889 സ്ഥാനാര്ത്ഥികളാണ് ആറാം ഘട്ടത്തില് ജനവിധി തേടുന്നത്. ഉത്തര്പ്രദേശില് 14 മണ്ഡലങ്ങളിലും പശ്ചിമബംഗാളിലും ബിഹാറിലും എട്ടു മണ്ഡലങ്ങളിലും ആണ് ഇന്ന് വോട്ടെടുപ്പ് നടക്കുന്നത്. ഈ ഘട്ടത്തിലെ തെരഞ്ഞെടുപ്പോടുകൂടി 486 മണ്ഡലങ്ങളില് വോട്ടെടുപ്പ് പൂര്ത്തിയാകും. മെഹബൂബ മുഫ്തി, മനോഹര്ലാല് ഖട്ടാര്, മേനക ഗാന്ധി, അഭിജിത് ഗംഗോപാധ്യായ, കനയ്യകുമാര് എന്നിവരാണ് ആറാംഘട്ടത്തില് ജനവിധി തേടുന്നത്.
![](https://malabarinews.com/wp-content/uploads/2024/06/auto-caught-fire.jpg)
![](https://malabarinews.com/wp-content/uploads/2020/07/careertech.jpg)
നേരത്തെ മാറ്റി വെച്ച അനന്തനാഗ് രജൗരി മണ്ഡലത്തിലും ഇന്ന് തെരഞ്ഞെടുപ്പ് നടക്കും. ദില്ലിയിലെ ഏഴ് സീറ്റിലും ഹരിയാനയിലെ പത്ത് സീറ്റിലും എന്ഡിഎയും ഇന്ത്യ സഖ്യവും തമ്മില് കടുത്ത മത്സരം നടക്കുകയാണ്. കെജ്രിവാളിന്റെ ജയില് മോചനവും , മദ്യനയക്കേസും, സ്വാതി മലിവാള് വിഷയവും വലിയ ചര്ച്ചയായിരിക്കെയാണ് ദില്ലിയിലെ തെരഞ്ഞെടുപ്പ്.
![](https://malabarinews.com/wp-content/uploads/2021/11/sameeksha.jpg)
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു