വാഷിംഗ്ടണ് : യുഎസ് പാര്ലമെന്റിലേക്ക് അതിക്രമിച്ച് കടന്ന് ട്രംപ് അന്യുകൂലികള്. നിയുക്ത പ്രസിഡന്റ് ജോ ബൈഡറെ വിജയം അംഗീകരിക്കാന് യുഎസ് കോണ്ഗ്രസ്സിന്റെ ഇരു സഭകളും സമ്മേളിക്കുന്നതിനിടെയാണ് അക്രമാസക്തരായ ആയിരക്കണക്കിന് ട്രംപ് അനുകൂലികള് ക്യാപിറ്റോള് മന്ദിരത്തിനു അകത്തുകടന്നത്.രണ്ടിടത്ത് നിന്ന് സ്ഫോടക വസ്തുക്കള് കണ്ടെടുത്തു. അവ നിര്വീര്യമാക്കി.
പ്രതിഷേധക്കാരെ ഒഴിപ്പിക്കാന് പൊലീസ് കണ്ണീര് വാതകം പ്രയോഗിച്ചു. അതിക്രമിച്ച് കയറിയ ട്രംപ് അനുകൂലികള് പൊലീസുമായി ഏറ്റുമുട്ടി. പൊലീസ് വെടിവയ്പില് ട്രംപ് അനുകൂലിയെന്ന് സംശയിക്കുന്ന ഒരു സ്ത്രീ കൊല്ലപ്പെട്ടു. ഇന്ത്യന് സമയം പുലര്ച്ചെ 1 മണിയോടെയാണ് സംഭവം. പ്രതിഷേധക്കാര് കടന്നതോടെ ഇരുസഭകളും അടിയന്തരമായി നിര്ത്തി വെച്ചു.
ഇതിനെതിരെ നവ മാധ്യമങ്ങള് നടപടിയെടുത്തു.
ട്രംപിന്റെ ട്വിറ്റര് അക്കൗണ്ട് മരവിപ്പിച്ചു. 12 മണിക്കൂര് നേരത്തേക്കാണ് മരവിപ്പിച്ചത്. അമേരിക്കയിലെ അക്രമവുമായി ബന്ധപ്പെട്ട എല്ലാ പോസ്റ്റുകളും ഫേസ്ബുക്ക് നീക്കം ചെയ്തു. ഡോണള്ഡ് ട്രംപ് പുറത്തുവിട്ട പ്രകോപനപരമായ വിഡിയോ യൂട്യൂബ് നീക്കം ചെയ്തു.
