കോതമംഗലം: കോതമംഗലം വാരപ്പെട്ടിയില് കെഎസ്ഇബി ഉദ്യോഗസ്ഥര്, കുലച്ച വാഴകള് വെട്ടിയതില് നഷ്ടപരിഹാരം. നശിപ്പിച്ച 406 വാഴകള്ക്ക് നഷ്ടപരിഹാരമായി മൂന്നര ലക്ഷം രൂപയാണ് സര്ക്കാര് അനുവദിച്ചിട്ടുള്ളത്. ഇക്കാര്യം കൃഷിമന്ത്രി തന്നെ വിളിച്ചറിയിച്ചെന്നും കര്ഷകന് തോമസ് പറഞ്ഞു.
കോതമംഗലം വാരപ്പെട്ടിയിലാണ് ലൈന് തകരാര് പരിഹരിക്കുന്നതിന് വൈദ്യുതി ലൈനില് നിന്ന് ഷോക്കേല്ക്കുമെന്ന കാരണം പറഞ്ഞ് 220 കെ വി ലൈനിന് താഴെയുള്ള ഭൂമിയിലെ വാഴകൃഷി വൈദ്യുതി വകുപ്പ് ജീവനക്കാര് വെട്ടിയത്. വാരപ്പെട്ടിയിലെ കാവുംപുറം തോമസിന്റെ 406 വാഴകളാണ് വാഴയില തട്ടി ലൈന് തകരാറായെന്ന കാരണം ചൂണ്ടിക്കാട്ടി കെ എസ് ഇ ബി വെട്ടിയത്.
ഇടുക്കി കോതമംഗലം 220 കെ വി ലൈന് തകരാറിയപ്പോള് പരിഹരിക്കുന്നതിന് വേണ്ടിയാണ് വാഴകൃഷി വെട്ടിയതെന്നാണ് കെഎസ്ഇബി വിശദീകരണം. ഇടുക്കി-കോതമംഗലം 220 കെ വി ലൈന് പുനസ്ഥാപിക്കേണ്ടത് അത്യാവശ്യമായതിനാല്, മനുഷ്യ ജീവന് അപകടം ഉണ്ടാകാനുള്ള സാധ്യത ഒഴിവാക്കി വാഴകള് വെട്ടിമാറ്റി ലൈന് ചാര്ജ് ചെയ്തു എന്നാണ് ഉദ്യോഗസ്ഥരുടെ വിശദീകരണം.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
