കോഴിക്കോട് മെഡിക്കല് കോളേജ് ആശുപത്രിയില് സുരക്ഷ ജീവനക്കാരെ ക്രൂരമായി മര്ദിച്ച കേസിലെ അഞ്ച് പ്രതികളുടെ ജാമ്യാപേക്ഷ ജില്ലാ കോടതി തളളി. കോഴിക്കോട് ജില്ലാ സെഷന്സ് കോടതിയാണ് ജാമ്യാപേക്ഷ തള്ളിയത്. ഡിവൈഎഫ്ഐ സംസ്ഥാന സമിതി അംഗവും സിപിഎം ഏരിയാ കമ്മിറ്റി അംഗവുമായ കെ അരുണ്, ഡിവൈഎഫ്ഐ പ്രാദേശിക നേതാക്കളായ അശിന്, രാജേഷ്, മുഹമ്മദ് ഷബീര്, സജിന് എന്നിവരുടെ ജാമ്യാപേക്ഷയാണ് തള്ളിയത് . പതിനൊന്ന് പ്രതികളുള്ള കേസില് അഞ്ച് പേര് മാത്രമാണ് പിടിയിലായത്.
ഓഗസ്റ്റ് 31-നാണ് ഡി.വൈ.എഫ്.ഐ പ്രവര്ത്തകര് ഉള്പ്പെട്ട സംഘം സുരക്ഷാ ജീവനക്കാരെ അക്രമിച്ചത്. സംഘം ചേര്ന്ന് ആക്രമിക്കുന്നതിന്റെ സിസിടിവി ദൃശ്യങ്ങളും പുറത്തുവന്നിരുന്നു. അരുണിന്റെ നേതൃത്വത്തിലുള്ള പതിനഞ്ചംഗ സംഘമാണ് കോഴിക്കോട് മെഡിക്കല് കോളേജ് ആശുപത്രിയിലെ സുരക്ഷാ ജീവനക്കാരെ ക്രൂരമായി മര്ദ്ദിച്ചത്. മൂന്ന് സുരക്ഷാ ജീവനക്കാര്ക്കാണ് മര്ദ്ദനമേറ്റത്.
ആശുപത്രി സംരക്ഷണ നിയമം, അന്യായമായി സംഘം ചേരല്, ഔദ്യോഗിക കൃത്യനിര്വഹണം തടസപ്പെടുത്തല്, മര്ദനം തുടങ്ങിയ വകുപ്പുകള് ചുമത്തിയാണ് കേസെടുത്തത്.
