HIGHLIGHTS : Sharad Pawar resigns as National President of NCP
മുംബൈ: എന്സിപി ദേശീയ അധ്യക്ഷ സ്ഥാനം ഒഴിയുന്നതായി ശരദ് പവാര്. മുംബൈയില് ആത്മകഥാ പ്രകാശന ചടങ്ങിലാണ് അദ്ദേഹത്തിന്റെ പ്രഖ്യാപനം. തികച്ചും അപ്രതീക്ഷിതമായിട്ടായിരുന്നു പവാറിന്റെ രാജി പ്രഖ്യാപനം. എന്നാല് പൊതുജീവിതം തുടരുമെന്നും അദ്ദേഹം വ്യക്തമാക്കി.
എന്സിപി രൂപീകരിച്ചത് മുതല് പാര്ട്ടിയുടെ പരമോന്നത നേതാവായി തുടരുകയായിരുന്നു ശരദ് പവാര്. മഹാരാഷ്ട്രയില് കോണ്ഗ്രസിനെയും ശിവസേനയേയും എന്സിപിയെയും ചേര്ത്ത് മഹാ വികാസ് അഘാഡി സര്ക്കാരിനു രൂപം നല്കി ബിജെപിക്കു വന് തിരിച്ചടി നല്കുന്നതിന്റെ ബുദ്ധികേന്ദ്രം ശരദ് പവാര് ആയിരുന്നു.
#WATCH | "I am resigning from the post of the national president of NCP," says NCP chief Sharad Pawar pic.twitter.com/tTiO8aCAcK
— ANI (@ANI) May 2, 2023
ശരദ് പവാര് ഒഴിയുന്നതോടെ എന്സിപിയുടെ തലപ്പത്തേക്ക് ആര് വരുമെന്ന ചോദ്യം ബലപ്പെട്ടു. ശരദ് പവാറിന്റെ മകള് സുപ്രിയ സുലേ അടക്കം നേതൃസ്ഥാനത്തേക്ക് ഉയര്ന്നുവരുമെന്നാണ് കരുതപ്പെടുന്നത്. എപ്പോള് ഈ തീരുമാനം ഉണ്ടാകുമെന്നത് വ്യക്തമല്ല.
അടുത്ത വര്ഷം ലോക്സഭാ തെരഞ്ഞെടുപ്പ് നടക്കാനിരിക്കെയാണ് സുപ്രധാന പ്രഖ്യാപനം ഉണ്ടായിരിക്കുന്നത്. അജിത് പവാര് ബിജെപിയുമായി അടുക്കുന്നുവെന്ന അഭ്യൂഹങ്ങള്ക്കിടെയാണ് ശരദ് പവാര് സ്ഥാനമൊഴിയാനുള്ള തീരുമാനം പ്രഖ്യാപിച്ചിരിക്കുന്നത്. തീരുമാനം പിന്വലിക്കണമെന്ന് വൈകാരികമായി പവാറിനോട് ആവശ്യപ്പെട്ട് നേതാക്കള് പലരും രംഗത്ത് വന്നു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു