റഷ്യന് മിസൈല് ആക്രമണം നാറ്റോ രാജ്യങ്ങളിലൊന്നായ പോളണ്ടിലേക്കും. യുക്രൈന് അതിര്ത്തിയില് നിന്ന് വെറും പതിനഞ്ച് മൈല് അകലെയുള്ള പോളണ്ടിന്റെ ഭാഗത്ത് റഷ്യന് മിസൈല് പതിച്ചതായാണ് വിവരം. ആക്രമണത്തില് രണ്ട് പേര് കൊല്ലപ്പെട്ടതായാണ് അന്തര്ദേശീയ മാധ്യമങ്ങളുടെ റിപ്പോര്ട്ട്.
ഇന്നലെ യുക്രൈനിലെ ഊര്ജ്ജ സംവിധാനങ്ങള് തകര്ത്തിരുന്നു. എന്നാല് യുക്രൈന് പോളണ്ട് അതിര്ത്തിയിലേക്ക് മിസൈല് അയച്ചിട്ടില്ലെന്നാണ് റഷ്യന് ആഭ്യന്തര മന്ത്രാലയം വ്യക്തമാക്കുന്നത്. പോളണ്ടിലേക്ക് റഷ്യന് മിസൈല് കടന്നുണ്ടായ നാശനഷ്ടങ്ങളുടെ ചിത്രങ്ങളേക്കുറിച്ചും റഷ്യയ്ക്ക് അറിവില്ലെന്നാണ് അധികൃതരുടെ പ്രതികരണം. ആക്രമണത്തേക്കുറിച്ച് നാറ്റോ പോളണ്ടിനോട് റിപ്പോര്ട്ട് തേടിയിട്ടുണ്ട്.
ഇന്നലെ ഉച്ചകഴിഞ്ഞാണ് മിസൈല് ആക്രമണമുണ്ടായതെന്നാണ് പോളിഷ് മാധ്യമങ്ങള് റിപ്പോര്ട്ട് ചെയ്യുന്നത്.
ക്രംലിനിലെ തിരിച്ചടിക്കുള്ള മറുപടിയായാണ് നിലവിലെ മിസൈല് ആക്രമണമെന്നാണ് സൂചന. പ്രതീക്ഷിച്ചതിലും ശക്തമായ ചെറുത്ത് നില്പാണ് യുക്രൈന് റഷ്യയ്ക്കെതിരെ നടത്തുന്നത്. എല്ലാം അതിജീവിക്കുമെന്നാണ് യുക്രൈന് പ്രസിഡന്റ് വ്ലോദിമില് സെലന്സ്കി പറയുന്നത്.
