നാട്ടിലേക്ക് തിരിച്ചെത്തുന്ന പ്രവാസികളെയും വിദേശത്ത് നിന്ന് വരുന്ന യാത്രക്കാരെയും കോവിഡ് രോഗലക്ഷണങ്ങള് ഉണ്ടെങ്കില് മാത്രം പരിശോധിച്ചാല് മതിയെന്ന് കോവിഡ് അവലോകന യോഗത്തില്
തീരുമാനം ആയി. മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന കോവിഡ് അവലോകന യോഗത്തിലാണ് തീരുമാനം.
രോഗലക്ഷണമുള്ളവര്ക്ക് മാത്രമേ സമ്പര്ക്കവിലക്ക് ആവശ്യമുള്ളൂ. രാജ്യാന്തര യാത്രികര് യാത്ര കഴിഞ്ഞതിന്റെ എട്ടാമത്തെ ദിവസം ആര്ടിപിസിആര് പരിശോധന ചെയ്യണമെന്ന നിലവിലെ മാനദണ്ഡം മാറ്റണമെന്ന ആരോഗ്യവിദഗ്ധ സമിതിയുടെ നിര്ദേശം യോഗം അംഗീകരിച്ചു.
വിമാനത്താവളങ്ങളില് റാപ്പിഡ് ടെസ്റ്റ് ഉള്പ്പെടെയുള്ള ടെസ്റ്റുകള്ക്ക് അന്യായമായ നിരക്ക് ഈടാക്കാന് പാടില്ല. പ്രവാസികള്ക്ക് താങ്ങാന് പറ്റുന്ന നിരക്ക് മാത്രമെ ഈടാക്കാവൂ. ഇക്കാര്യത്തില് ആവശ്യമായ നടപടി സ്വീകരിക്കാന് മുഖ്യമന്ത്രി ആരോഗ്യ വകുപ്പിനോട് നിര്ദ്ദേശിച്ചു.
