HIGHLIGHTS : സ്കൂള് ബാഗുകളുടെ ഭാരം നിജപ്പെടുത്തിയുള്ള ‘പോളിസി ഓണ് സ്കൂള് ബാഗ് 2020’ നയം പ്രഖ്യാപിച്ച് കേന്ദ്ര വിദ്യാഭ്യാസ വകുപ്പ് . സ്കൂള് ബാ...
സ്കൂള് ബാഗുകളുടെ ഭാരം നിജപ്പെടുത്തിയുള്ള ‘പോളിസി ഓണ് സ്കൂള് ബാഗ് 2020’ നയം പ്രഖ്യാപിച്ച് കേന്ദ്ര വിദ്യാഭ്യാസ വകുപ്പ് . സ്കൂള് ബാഗുകള്ക്കായുള്ള പുതിയ നയത്തിന്റെ ഭാഗമായി ബാഗുകളുടെ പരമാവധി ഭാരം അഞ്ച് കിലോ ആയി നിജപ്പെടുത്തി. കുട്ടികളുടെ ഭാരത്തിന്റെ പത്തിലൊന്ന് മാത്രമേ പുസ്തകവും ഭക്ഷണവും അടങ്ങിയ ബാഗിന് ഭാരമുണ്ടാകാവൂ.
എല്ലാ ക്ലാസുകളിലും ഗൃഹപാഠം പരമാവധി ഒഴിവാക്കാനും നിര്ദേശമുണ്ട്. 10-12 ക്ലാസുകാര്ക്ക് രണ്ട് മണിക്കൂറിനുള്ളില് ചെയ്യാവുന്ന ഹോം വര്ക്കേ നല്കാവൂ. 3-6 ക്ലാസുകള്ക്ക് ആഴ്ചയില് രണ്ട് മണിക്കൂര് ഹോം വര്ക്കും , 6-8 വരെയുള്ള ക്ലാസുകള്ക്ക് ദിവസേന ഒരു മണിക്കൂര് വീതമുള്ള ഹോം വര്ക്കും നല്കാം .
രണ്ടാം ക്ലാസ് വരെയുള്ള കുട്ടികളുടെ ബാഗിന്റെ ഭാരം 2.2 കിലോ ആയിരിക്കണം. ഒന്ന് മുതല് അഞ്ച് വരെ ക്ലാസുകളില് ബാഗിന്റെ പരമാവധി ഭാരം 2.5 കിലോയാണ്. ആറ്- ഏഴ് ക്ലാസുകളില് സ്കൂള് ബാഗിന്റെ ഭാരം 4 കിലോ . എട്ട് മുതല് പത്ത് വരെയുള്ള ക്ലാസുകളിലെ സ്കൂള് ബാഗിന് 4.5 കിലോയും 10 മുതല് 12 വരെ ക്ലാസുകളില് സ്കൂള് ബാഗിന്റെ പരമാവധി ഭാരം അഞ്ച് കിലോയും ആക്കി. സ്കൂളുകളില് ലോക്കറും
ഡിജിറ്റല് ഭാരമളക്കല് ഉപകരണവും സ്ഥാപിക്കാനും കൂടാതെ ട്രോളി ബാഗ് ഒഴിവാക്കാനും നിര്ദേശമുണ്ട്.