HIGHLIGHTS : Perinthalmanna election case: Postal ballots were tampered with; Election Commission
പെരിന്തല്മണ്ണ തെരഞ്ഞെടുപ്പ് കേസില് തപാല് ബാലറ്റുകളടങ്ങിയ പെട്ടികളില് കൃത്രിമം നടന്നതായി തെരഞ്ഞെടുപ്പ് കമ്മീഷന്. ഹൈകോടതിയില് സമര്പ്പിച്ച റിപ്പോര്ട്ടിലാണ് കമ്മീഷന് ഇക്കാര്യം വ്യക്തമാക്കിയത്. അഞ്ചാം ടേബിളില് എണ്ണിയ 482 സാധുവായ ബാലറ്റുകള് കാണാനില്ല. നാലാം ടേബിളിലെ അസാധുവായ ബാലറ്റുകളുടെ ഒരു പാക്കറ്റിന്റെ പുറത്തുള്ള കവര് കീറിയ നിലയിലാണെന്നും തെരഞ്ഞെടുപ്പ് കമ്മീഷന്റെ റിപ്പോര്ട്ടില് പറയുന്നു.
തെരഞ്ഞെടുപ്പ് ഉദ്യോഗസ്ഥര്ക്കെതിരെയും തെരഞ്ഞെടുപ്പ് കമ്മീഷന്റെ റിപ്പോര്ട്ടില് പരാമര്ശമുണ്ട്. ഉദ്യോഗസ്ഥര് ബാലറ്റുകള് സൂക്ഷിച്ചത് സുരക്ഷിതമല്ലാത്ത രീതിയിലാണെന്നും ഇക്കാര്യത്തില് ഉദ്യോഗസ്ഥര്ക്ക് വീഴ്ച പറ്റിയെന്നും തെരഞ്ഞെടുപ്പ് കമ്മീഷന് കോടതിയെ അറിയിച്ചു. കോഓപ്പറേറ്റീവ് സൊസൈറ്റീസ് ജോയിന്റ് റജിസ്ട്രാര് പ്രഭിത്ത് ഉള്പ്പെടെയുള്ള ഉദ്യോഗസ്ഥര്ക്കാണ് ഇക്കാര്യത്തില് ഉത്തരവാദിത്വമെന്നും കമ്മീഷന് റിപ്പോര്ട്ടില് വ്യക്തമാക്കുന്നു.
യുഡിഎഫ് സ്ഥാനാര്ത്ഥി നജീബ് കാന്തപുരത്തിന്റെ വിജയം ചോദ്യം ചെയ്ത് ഇടത് സ്ഥാനാര്ത്ഥി കെപിഎം മുസ്തഫ ഹൈക്കോടതിയെ സമീപിച്ചിരുന്നു. 348 തപാല് വോട്ടുകള് അസാധുവാക്കിയ തെരഞ്ഞെടുപ്പ് ഉദ്യോഗസ്ഥരുടെ നടപടി ചോദ്യം ചെയ്താണ് ഇടത് സ്വതന്ത്ര സ്ഥാനാത്ഥി കെപിഎം മുസ്തഫ ഹൈക്കോടതിയിലെത്തിയത്. 38 വോട്ടുകള്ക്കാണ് യുഡിഎഫ് സ്ഥാനാര്ത്ഥിയായ നജീബ് കാന്തപുരം വിജയിച്ചത്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു