HIGHLIGHTS : പരപ്പനങ്ങാടി :ഏറെക്കാലമായി തകര്‍ന്നു തരിപ്പണമായി ഗതാഗതയോഗ്യമല്ലാതിരുന്ന പരപ്പനങ്ങാടി-കടലുണ്ടി റോഡിന്റെ ലെവലിങ്ങ് -റബ്ബറൈസിങ് പ്രവൃത്തികള്‍ 20 ാം തി...
പരപ്പനങ്ങാടി :ഏറെക്കാലമായി തകര്‍ന്നു തരിപ്പണമായി ഗതാഗതയോഗ്യമല്ലാതിരുന്ന പരപ്പനങ്ങാടി-കടലുണ്ടി റോഡിന്റെ ലെവലിങ്ങ് -റബ്ബറൈസിങ് പ്രവൃത്തികള്‍ 20 ാം തിയ്യതി ആരംഭിക്കും. ശോചനീയമായിരുന്ന ഈ റോഡില്‍ താല്‍ക്കാലികമായി നടത്തിയിരുന്ന അറ്റകുറ്റപ്പണികള്‍ മൂലമാണ് ഇപ്പോള്‍ വാഹനമോടുന്നത്.
കൊടപ്പാളി മുതല്‍ കടലുണ്ടി വരെയുള്ള 9 കിലോമീറ്റര്‍ ദൂരമാണ് റബ്ബറൈസ് ചെയ്യുന്നത്. കേരള കണ്‍സ്ട്രക്ഷന്‍ കോര്‍പ്പറേഷനാണ് റോഡിന്റെ പ്രവൃത്തി ചുമതല. ചമ്രവട്ടം പാലം യാഥാര്‍ത്ഥ്യമായതോടെ വാഹനങ്ങളുടെ വന്‍ തിരക്കാണ് ഈ റോഡില്‍ അനുഭവപെടുന്നത്.
ഈ റോഡ് പ്രവൃത്തി കഴിയുന്നതോടെ കോഴിക്കോട്ടേക്ക് കോട്ടക്കടവ് വഴിയും കടലുണ്ടി വഴിയും വാഹനങ്ങള്‍ക്ക് എളുപ്പം കടന്നുപോകാമെന്നത് നേട്ടമാകും.
