പമ്പ ഡാം തുറന്നു. ഡാമിന്റെ രണ്ട് ഷട്ടറുകള് 30 സെന്റിമീറ്റര് വീതമാണ് തുറന്നത്. പുറത്തേക്ക് ഒഴുക്കുന്ന ജലം ആറുമണിക്കൂര് കൊണ്ട് പമ്പ ത്രിവേണിയില് എത്തും. പമ്പയില് ജലവനിരപ്പ് ഉയാരാന് സാധ്യതയുള്ളതിനാല് ശബരിമലയില് മറ്റന്നാള് വരെ ഭക്തര്ക്ക് ദര്ശനാനുമതിയില്ല.
25 ഘന അടി മുതല് പരമാവധി 50 ഘന അടി വരെ വെള്ളമാണ് പുറത്തേക്കൊഴുക്കുന്നത്. രണ്ട് ഷട്ടറുകള് ക്രമാനുഗതമായി ഉയര്ത്തുകയായിരുന്നു.
കക്കി- ആനത്തോട് ഡാമിനെ അപേക്ഷിച്ച് പുറത്തേക്ക് ഒഴുക്കിവിടുന്ന ഈ വെള്ളത്തിന്റെ അളവ് വളരെ കുറവാണ്.
കക്കി-ആനത്തോട് ഡാം തുറന്നുവിട്ടപ്പോള് പമ്പയിലെ ജലനിരപ്പ് 10-15 സെന്റിമീറ്റര് മാത്രമാണ് ഉയര്ന്നത്. പമ്പ ഡാമിലെ വെള്ളമെത്തുമ്പോള് ജലനിരപ്പ് 20-25 സെന്റിമീറ്റര് വരെ ഉയരാനാണ് സാധ്യത.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
