HIGHLIGHTS : Kochi Metro is in operating profit for the first time in its history
കൊച്ചി: കേരളത്തിന്റെ പൊതുഗതാഗത രംഗത്ത് വിപ്ലവകരമായ മാറ്റം കൊണ്ടുവന്ന കൊച്ചി മെട്രോ ചരിത്രത്തിലാദ്യമായി പ്രവര്ത്തനലാഭം കൈവരിച്ചു.
2022-23 വര്ഷത്തില് 5.35 കോടി രൂപയുടെ പ്രവര്ത്തന ലാഭമാണ് കൊച്ചി മെട്രോ നേടിയിരിക്കുന്നത്. കഴിഞ്ഞ വര്ഷത്തെ അപേക്ഷിച്ച് വരുമാനത്തില് 145% വര്ധനവ് നേടിക്കൊണ്ടാണ് കൊച്ചി മെട്രോ ഈ നേട്ടം കൈവരിച്ചത്. പ്രവര്ത്തനമാരംഭിച്ച് ചുരുങ്ങിയ കാലത്തിനുള്ളില് ലാഭം നേടാന് സാധിച്ചുവെന്നത് അഭിമാനാര്ഹമായ നേട്ടമാണ്. ഈ നേട്ടത്തില് കെഎംആര്എല്ലിലെ എല്ലാ ജീവനക്കാരെയും അഭിനന്ദിക്കുന്നു. വ്യവസായ വകുപ്പുമന്ത്രി പി രാജീവ് തന്റെ ഫെയ്സ്ബുക്ക് പേജിലൂടെയാണ് ഇക്കാര്യം അറിയിച്ചിരിക്കുന്നത്.
വിദ്യാര്ത്ഥികള്ക്കും സ്ഥിരം യാത്രികര്ക്കുമായുള്ള വിവിധ സ്കീമുകള് ഏര്പ്പെടുത്തിയും സെല്ഫ് ടിക്കറ്റിംഗ് മഷീനുകള് സ്ഥാപിച്ചും യാത്രക്കാര്ക്ക് മികച്ച സേവനം ഉറപ്പാക്കിയും കൂടുതല് യാത്രക്കാരെ മെട്രോയിലേക്കെത്തിക്കാന് നമുക്ക് സാധിച്ചു. ഡിസംബര്-ജനുവരി മാസത്തില് തൃപ്പൂണിത്തുറ സ്റ്റേഷന് പ്രവര്ത്തനമാരംഭിക്കുകയും കൊച്ചി മെട്രോ രണ്ടാം ഘട്ടം കൂടി പ്രാവര്ത്തികമാകുകയും ചെയ്യുമ്പോള് വരുമാനത്തില് കാര്യമായ പുരോഗതിയുണ്ടാകുമെന്നാണ് പ്രതീക്ഷിക്കുന്നത്. ഇത് രാജ്യത്തെ തന്നെ ഏറ്റവും മികച്ച മെട്രോ സംവിധാനമാക്കി കൊച്ചി മെട്രോയെ മാറ്റാന് സഹായിക്കും. 1957 കോടി രൂപയുടെ രണ്ടാംഘട്ട പ്രവര്ത്തനങ്ങള്ക്കായുള്ള പുതുക്കിയ ഭരണാനുമതി സര്ക്കാര് ലഭ്യമാക്കിയതോടെ കാക്കനാട് ഭാഗത്തേക്കുള്ള മെട്രോയുടെ നിര്മ്മാണപ്രവര്ത്തനങ്ങളും ആരംഭിച്ചിട്ടുണ്ട്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
