തിരുവനന്തപുരം: കളമശ്ശേരി ബോംബ് സ്ഫോടനത്തെ കുറിച്ച് മതവിദ്വേഷം വളര്ത്തുന്ന രീതിയിലും സമുദായിക സൗഹാര്ദ്ദം തകര്ക്കുന്ന തരത്തിലും സോഷ്യല് മീഡിയ വഴി സന്ദേശങ്ങളും വാര്ത്തകളും പ്രചരിപ്പിച്ച 54 വ്യാജ പ്രൊഫൈലുകള്ക്കെതിരെ പോലീസ് കേസ് രജിസ്റ്റര് ചെയ്തു. മലപ്പുറം ജില്ലയില് 26 എണ്ണവും എറണാകുളം സിറ്റിയില് 10 ഉം എറണാകുളം റൂറലിലും തിരുവനന്തപുരം സിറ്റിയിലും അഞ്ച് വീതം കേസുകളും തൃശൂര് സിറ്റിയിലും കോട്ടയത്തും രണ്ടുവീതവും പത്തനംതിട്ട, ആലപ്പുഴ, പാലക്കാട്, കോഴിക്കോട് റൂറല് ജില്ലകളില് ഒന്നു വീതവും കേസുകളാണ് രജിസ്റ്റര് ചെയ്തത്.
മതവിദ്വേഷം വളര്ത്തുന്ന തരത്തിലും മറ്റും വിവിധ സാമൂഹിക മാധ്യമങ്ങളിലൂടെ സന്ദേശങ്ങള് നല്കുകയും പങ്കുവയ്ക്കുകയും ചെയ്ത നിരവധി വ്യാജ പ്രൊഫൈലുകളും പോലീസ് കണ്ടെത്തിയിട്ടുണ്ട്. വ്യാജ പ്രൊഫൈലുകള് നിര്മ്മിച്ചവര്ക്കെതിരെ നടപടി സ്വീകരിക്കുന്നതിന് അവര് ഉപയോഗിച്ച ഐ.പി വിലാസം കണ്ടെത്തി നല്കാന് ഫെയ്സ്ബുക്ക്, ഇന്സ്റ്റഗ്രാം, എക്സ്, വാട്സാപ്പ് തുടങ്ങിയ സാമൂഹികമാധ്യമസ്ഥാപനങ്ങള്ക്ക് നിര്ദ്ദേശം നല്കി. ഇത്തരം സന്ദേശം പ്രചരിപ്പിക്കുന്നവരെ കണ്ടെത്തുന്നതിനും തുടര്നടപടി സ്വീകരിക്കുന്നതിനുമായി എല്ലാ ജില്ലകളിലെയും സൈബര് സെല് വിഭാഗത്തില് 24 മണിക്കൂറും പ്രവര്ത്തിക്കുന്ന പ്രത്യേക സംഘങ്ങളെ ചുമതലപ്പെടുത്തിയിട്ടുണ്ട്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
