അന്തരിച്ച ജസ്റ്റിസ് ഫാത്തിമ ബീവിക്ക് ഔദ്യോഗികബഹുമതികളോടെ ജന്മനാട് വിടനല്കി. പത്തനംതിട്ട ടൗണ് ഹാളില് നടന്ന പൊതുദര്ശനത്തിന് ശേഷം പത്തനംതിട്ട മുസ്ലിം ജമാഅത്ത് ഖബര്സ്ഥാനിലായിരുന്നു ഖബറടക്കം. സംസ്ഥാനസര്ക്കാരിനും മുഖ്യമന്ത്രിക്കും വേണ്ടി ജില്ലാ കളക്ടര് എ. ഷിബു ആദരാഞ്ജലി അര്പ്പിച്ചു. ആരോഗ്യമന്ത്രി വീണാജോര്ജിനു വേണ്ടി ജില്ലാ മെഡിക്കല് ഓഫീസര് എല്. അനിതാകുമാരി അന്തിമോപചാരം അര്പ്പിച്ചു. സുപ്രീംകോടതിയിലെ ആദ്യ വനിത ജഡ്ജിയായ ഫാത്തിമ ബീവി തമിഴ്നാട് ഗവര്ണര്, ദേശീയ മനുഷ്യാവകാശ കമ്മീഷന് അംഗം തുടങ്ങി രാജ്യത്തിന്റെ ഔദ്യോഗിക മേഖലകളില് പ്രവര്ത്തിച്ചിട്ടുണ്ട്.
എം.പിമരായ ആന്റോ ആന്റണി, കൊടിക്കുന്നില് സുരേഷ്, ഡെപ്യുട്ടി സ്പീക്കര് ചിറ്റയം ഗോപകുമാര്, എംഎല്എമാരായ അഡ്വ. കെ.യു ജനീഷ് കുമാര്, അഡ്വ. പ്രമോദ് നാരായണ്, ലോകായുക്ത ജസ്റ്റിസ് സിറിയക് ജോസഫ്, ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂര് ശങ്കരന്, നഗരസഭാ ചെയര്മാന് ടി. സക്കീര് ഹുസൈന്, എഡിഎം ബി രാധാകൃഷ്ണന്, മുന് എംഎല്എമാരായ രാജു ഏബ്രഹാം, ആര് ഉണ്ണികൃഷ്ണന്, ജോസഫ് എം പുതുശേരി, മാലേത്ത് സരളാദേവി, ദേവസ്വം ബോര്ഡ് മുന് പ്രസിഡന്റ് അഡ്വ. അനന്തഗോപന്, തദ്ദേശസ്ഥാപന പ്രതിനിധികള്, രാഷ്ട്രീയപ്രമുഖര്, വിവിധ വകുപ്പുദ്യോഗസ്ഥര്, തുടങ്ങിയവര് അന്തിമോപചാരം അര്പ്പിച്ചു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
