കണ്ണൂര്: പയ്യന്നൂര് കരിവള്ളൂരില് പൊലീസുകാരിയെ വീട്ടില് കയറി വെട്ടിക്കൊന്ന സംഭവത്തില് ഭര്ത്താവ് രാജേഷ് പിടിയില്. സംഭവ ശേഷം ഒളിവില് പോയ രാജേഷിനെ പുതിയ തെരുവില് നിന്നാണ് പൊലീസ് പിടികൂടിയത്. ആക്രമണം ആസൂത്രിതമെന്നാണ് പൊലീസിന്റെ പ്രാഥമിക അന്വേഷണ റിപ്പോര്ട്ട്.
കരിവള്ളൂര് പലിയേരി ദിവ്യശ്രീയാണ് (35) മരിച്ചത്. കാസര്ക്കോട് ചന്തേര പൊലീസ് സ്റ്റേഷനിലെ സിപിഒ ആണ് മരിച്ച ദിവ്യശ്രീ. ആക്രമണം തടയാന് ശ്രമിക്കുന്നതിനിടെ ദിവ്യശ്രീയുടെ അച്ഛന് വാസുവിനും വെട്ടേറ്റു. കഴുത്തിനും വയറിനും വെട്ടേറ്റ വാസുവിനെ ഗുരുതരാവസ്ഥയില് കണ്ണൂരിലെ ബിഎംഎച്ച് ആശുപത്രിയിലെത്തിച്ചു.
ഇന്നലെ വൈകീട്ട് ആറ് മണിയോടെ വീട്ടിലെത്തിയാണ് രാജേഷ് ആക്രമണം നടത്തിയത്. കൊല നടത്താനായി പെട്രോളും കൊടുവാളുമായി രാജേഷ് വീട്ടിലെത്തുകയായിരുന്നു. പെട്രോള് ദിവ്യശ്രീയുടെ ദേഹത്ത് ഒഴിക്കാന് ശ്രമിച്ചെങ്കിലും അതു വിജയിച്ചില്ല. പിന്നാലെ കഴുത്തിനു വെട്ടുകയായിരുന്നു. ഇതു തടയാന് ശ്രമിച്ചപ്പോള് കൈകള്ക്കും വെട്ടേറ്റു. ഇതു തടയാന് വന്ന പിതാവ് വാസുവിന് കഴുത്തിനും വയറിനുമാണ് വെട്ടേറ്റത്. ഇദ്ദേഹത്തിന്റെ നിലയും ഗുരുതരമാണ്.
ശബരിമല ഡ്യൂട്ടി കഴിഞ്ഞ് കഴിഞ്ഞ ദിവസമാണ് ദിവ്യശ്രീ വീട്ടില് മടങ്ങിയെത്തിയത്. കൊല നടന്ന ദിവസം കണ്ണൂര് കുടുംബ കോടതിയില് കേസ് പരിഗണിച്ചിരുന്നു. നേരത്തെയും രാജേഷ് വീട്ടിലെത്തി പ്രശ്നമുണ്ടാക്കിയിരുന്നു. ഇതു സംബന്ധിച്ച് പൊലീസ് കേസുണ്ട്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
