വര്ധിക്കുന്ന ചൂട് മൂലം വളര്ത്തു മൃഗങ്ങളില് ഉണ്ടാകുന്ന പ്രശ്നങ്ങള്ക്ക് വേണ്ട പരിചരണം കരുതലോടെ വേണമെന്ന് മൃഗസംരക്ഷണ വകുപ്പ്.
മൃഗങ്ങള്ക്കും പക്ഷികള്ക്കും തണുത്ത ശുദ്ധജലം സദാസമയവും യഥേഷ്ടം ലഭ്യമാക്കണം.
വായു സഞ്ചാരമുള്ള വാസസ്ഥലം ലഭ്യമാക്കുന്നതോടൊപ്പം തന്നെ ഓമന മൃഗങ്ങളെ വാഹനങ്ങളില് പൂട്ടിയിടുന്നത് ഒഴിവാക്കാന് പ്രത്യേകം ശ്രദ്ധിക്കണം.
വളര്ത്തു മൃഗങ്ങളുടെ ട്രാന്സ്പോര്ട്ടേഷന് രാവിലെയും വൈകീട്ടുമായി പരിമിതപ്പെടുത്തല്, മൃഗങ്ങളെ വാഹനങ്ങളില് കുത്തി നിറച്ച് കടത്തുന്നത് ഒഴിവാക്കല്, ധാതുലവണ മിശ്രിതം, വിറ്റാമിന്സ്, പ്രോബയോട്ടിക്സ് എന്നിവ തീറ്റയില് ഉള്പ്പെടുത്തല് എന്നിവയും പാലിക്കണം. ദഹനത്തിന് കൂടുതല് സമയം എടുക്കുന്ന വൈക്കോല് ചൂട് കുറഞ്ഞിരിക്കുന്ന രാത്രി സമയത്തു മാത്രം നല്കണം. ധാരാളമായി പച്ചപുല് നല്കുക, ഖര ആഹാരത്തിന്റെ സമയം അതിരാവിലെയും രാത്രിയുമായി നിജപ്പെടുത്തുക തുടങ്ങിയ നിര്ദേശങ്ങളും മൃഗസംരക്ഷണ വകുപ്പ് പുറപ്പെടുവിച്ചിട്ടുണ്ട്.
ചൂടിനെ ക്രമീകരിക്കാന് തൊഴുത്തില് നല്ല വായു സഞ്ചാരം ലഭ്യമാക്കല്, തൊഴുത്തിന്റെ മേല്ക്കൂരയുടെ ഉയരം കൂട്ടുകയും ഭിത്തിയുടെ ഉയരം കുറയ്ക്കുകയും ചെയ്യല്, തൊഴുത്തില് ഫാനുകള് നിര്ബന്ധമാക്കല് എന്നീ നിര്ദേശങ്ങളുമുണ്ട്.
മേല്ക്കൂരയില് ജൈവ പന്തലായ കോവയ്ക്ക, പാഷന് ഫ്രൂട്ട് എന്നിവ പടര്ത്തുന്നതും, വൈക്കോല് വിരിക്കുന്നതും താപനില കുറയ്ക്കാന് സഹായിക്കും.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
