HIGHLIGHTS : Former captain of Kerala cricket team P. Raviachan passed away
തൃപ്പൂണിത്തുറ കേരള ക്രിക്കറ്റ് ടീം മുന് ക്യാപ്റ്റന് പി.രവിയച്ചന് (96) അന്തരിച്ചു. കേരളം ആദ്യമായി രഞ്ജി ട്രോഫി മത്സരം വിജയിച്ചപ്പോള് ടീമംഗമായിരുന്നു. ഒന്നാം ക്ലാസ് ക്രിക്കറ്റില് ആയിരം റണ്സും നൂറുവിക്കറ്റും നേടിയ ആദ്യ മലയാളിയാണ്.
കേരള ക്രിക്കറ്റിന്റെ വളര്ച്ചയില് മുഖ്യ പങ്കാളിയായ അദ്ദേഹം 1952 മുതല് 17 വര്ഷം രഞ്ജി കളിച്ചു. ബാറ്റ്സ്മാനായും ബൗളറായും ഒരുപോലെ തിളങ്ങി. 55 ഒന്നാം ക്ളാസ് മത്സരങ്ങളില് നിന്ന് നേടിയ 1107 റണ്സും 125 വിക്കറ്റുമായി സംസ്ഥാനത്തെ ആദ്യത്തെ യഥാര്ഥ ഓള്റൗണ്ടര് ക്രിക്കറ്റര് എന്ന പദവിയും സ്വന്തമാക്കി. തൃപ്പൂണിത്തുറ ക്രിക്കറ്റ് ക്ളബ് ആയിരുന്നു രവിയച്ചന്റെ തട്ടകം. രണ്ടുതവണ അദ്ദേഹം കേരള ടീമിന്റെ ക്യാപ്റ്റനായിരുന്നു.
തൃപ്പൂണിത്തുറ കോവിലകത്ത് അനിയന് തമ്പുരാന്റെയും എറണാകുളം ചേന്ദമംഗലത്ത് പാലിയം തറവാട്ടില് കൊച്ചുകുട്ടി കുഞ്ഞമ്മയുടെയും മകനായി 1928 മാര്ച്ച് 12നായിരുന്നു രവിയച്ചന്റെ ജനനം. തൃപ്പൂണിത്തുറ ബോയ്സ് ഹൈസ്കൂള്, ചേന്ദമംഗലം പാലിയം ഹൈസ്കൂള് എന്നിവിടങ്ങളില് പ്രാഥമിക വിദ്യാഭ്യാസം. തൃശൂര് സെന്റ് തോമസ് കോളജിലെ ഇന്റര്മീഡിയറ്റിനു ശേഷം അണ്ണാമലൈ യൂണിവേഴ്സിറ്റിയില് നിന്ന് ബിരുദം നേടി.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു