തിരുവനന്തപുരം: മോഖ ചുഴലിക്കാറ്റ് ഇന്ന് ഉച്ചയോടെ തീരം തൊടും. കേരളത്തില് ഒറ്റപ്പെട്ടയിടങ്ങളില് മഴയ്ക്ക് സാധ്യത. തെക്ക് കിഴക്കന് ബംഗ്ലാദേശിനും വടക്കന് മ്യാന്മാറിനുമിടയില് കരയില് പ്രവേശിക്കും. കേരളത്തില് ബുധനാഴ്ചയോടെ മഴ സജീവമാകും. ഇന്ന് ഒരു ജില്ലയിലും പ്രത്യേക മഴ മുന്നറിയിപ്പില്ല. മത്സ്യതൊഴിലാളികള്ക്ക് കടലില് പോകാനും തടസ്സമില്ല. എന്നാല് തമിഴ്നാട് തീരം, കന്യാകുമാരി പ്രദേശം, ഗള്ഫ് ഓഫ് മാന്നാര്, ശ്രീലങ്കന് തീരം എന്നിവിടങ്ങളില് മണിക്കൂറില് 60 കി.മീ. വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല് മല്സ്യ ബന്ധനത്തിന് വിലക്കേര്പ്പെടുത്തി.
ബംഗാള് ഉള്ക്കടല്, ആന്ഡമാന് കടല് എന്നിവിടങ്ങളില് ഇനിയൊരു അറിയിപ്പുണ്ടാകുന്നത് വരെ മല്സ്യബന്ധനത്തിന് നിയന്ത്രണം ഏര്പ്പെടുത്തിയിട്ടുണ്ട്. വടക്ക് കിഴക്ക് ബംഗാള് ഉള്ക്കടല്, വടക്ക് ആന്ഡമാന് കടല് എന്നിവിടങ്ങളില് മത്സ്യബന്ധനത്തില് ഏര്പ്പെട്ടിരിക്കുന്ന മത്സ്യതൊഴിലാളികള് തീരത്തേക്ക് മടങ്ങണമെന്ന നിര്ദ്ദേശവും കേന്ദ്ര കാലാവസ്ഥ വകുപ്പ് നല്കിയിട്ടുണ്ട്.
14-05-2023 : മധ്യകിഴക്കന് ബംഗാള് ഉള്ക്കടലില് രാവിലെ മണിക്കൂറില് 100-110 കി.മീ വേഗതയിലും ചില അവസരങ്ങളില് മണിക്കൂറില് 120 കി.മീ. വരെ വേഗതയിലും; വടക്കുകിഴക്കന് ബംഗാള് ഉള്ക്കടലില് ഉച്ചയ്ക്ക് മുന്പ് മണിക്കൂറില് 125-135 കിലോമീറ്റര് വേഗതയിലും ചില അവസരങ്ങളില് മണിക്കൂറില്150 വരെയും ഉച്ചകഴിഞ്ഞ് വേഗത ക്രമേണ കുറയുന്നു. വടക്കുപടിഞ്ഞാറന് ബംഗാള് ഉള്ക്കടലില് മണിക്കൂറില് 55-65 കി.മീ ചില അവസരങ്ങളില് 75 കിലോമീറ്റര് വേഗതയിലും ശക്തമായ കാറ്റിനും മോശം കാലാവസ്ഥക്കും സാധ്യത.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
