സിപിഐഎം സംസ്ഥാന കമ്മിറ്റി അംഗം എസ് രാജേന്ദ്രന്റെ മകന് ആദര്ശ് അപകടത്തില് മരിച്ചു. തിരുവനന്തപുരം ഉള്ളൂര് സ്വദേശിയാണ് ആദര്ശ്. പുനലൂര് മൂവാറ്റുപുഴ സംസ്ഥാനപാതയില് കുമ്പഴ റാന്നി റൂട്ടില് രാത്രി എട്ടരയോടെയാണ് അപകടം.
കാറില് യാത്ര ചെയ്യുകയായിരുന്നു ആദര്ശ്. നിയന്ത്രണം വിട്ട കാര് എതിര് വശത്തൂകൂടെ വന്ന ലോറിയില് ഇടിക്കുകയായിരുന്നു. ഇടിയുടെ ആഘാതത്തില് കാര് അടുത്ത വീടിന്റെ ഗേറ്റിലിടിച്ചാണ് നിന്നത്. കാറിന്റെ മുന്വശം പൂര്ണ്ണമായും തകര്ന്നു.
കാറില് കുടുങ്ങിക്കിടന്ന ആദര്ശിനെ ഫയര്ഫോഴ്സെത്തി വെട്ടിപ്പൊളിച്ചാണ് പുറത്തെടുത്തത്. ആദര്ശ് സംഭവ സ്ഥലത്തുവെച്ചു തന്നെ മരിച്ചു.
പത്തനംതിട്ട അഗ്നിശമനസേന ഹൈഡ്രോളിക് കട്ടര് ഉപയോഗിച്ച് കാര് വെട്ടിപ്പൊളിച്ചാണ് കാറില്കുടുങ്ങിയ ആളിനെ പുറത്ത് എടുത്തത്. മൃതദേഹം പത്തനംതിട്ട ജനറല് ആശുപത്രിയില് സൂക്ഷിക്കും.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
