കൊച്ചി:സി പി ഐ സംസ്ഥാന സെക്രട്ടറി കാനം രാജേന്ദ്രന് അന്തരിച്ചു. 73 വയസ്സായിരുന്നു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. ആരോഗ്യ പ്രശ്നങ്ങള് മൂലം ഏറെ നാളായി പാര്ട്ടിയുടെ സജീവ പ്രവര്ത്തനങ്ങളില് നിന്ന് മാറി നിന്നിരുന്നു. കാനം രാജേന്ദ്രന്റെ കാല്പ്പാദം അടുത്തിടെ മുറിച്ച് മാറ്റുകയും ചെയ്തിരുന്നു.
കാനം രാജേന്ദ്രന് ആള് ഇന്ത്യ യൂത്ത് ഫെഡറേഷന് (അകഥഎ) കേരള സംസ്ഥാന കമ്മിറ്റി സെക്രട്ടറിയും, ആള് ഇന്ത്യ ട്രെയ്ഡ് യൂണിയന് കോണ്ഗ്രസ്സ് (അകഠഡഇ) കേരള സംസ്ഥാന കമ്മിറ്റി സെക്രട്ടറിയുമായിരുന്നു. സി.പി.ഐ. അംഗമായ കാനം രാജേന്ദ്രന് 1982 മുതല് 1991 വരെ വാഴൂര് നിയോജകമണ്ഡലത്തിന്റെ നിയമസഭാംഗമായിരുന്നു.
കാനത്തെ 1978-ല് സി.പി.ഐ.യുടെ സംസ്ഥാന സെക്രട്ടേറിയറ്റിലേക്ക് തെരഞ്ഞെടുക്കപ്പെട്ടു. 1982 വാഴൂര് നിയോജകമണ്ഡലത്തില് നിന്നും 7-മത് കേരള നിയമസഭയിലേയ്ക്ക് തെരഞ്ഞെടുക്കപ്പെട്ടു. തുടര്ന്ന് 1987 വാഴൂര് നിയോജകമണ്ഡലത്തില് നിന്നും എം എല് എ ആയി വീണ്ടും തെരഞ്ഞെടുക്കപ്പെട്ടു. 2006-ല് എ.ഐ.ടി.യു.സി.യുടെ സംസ്ഥാന ജനറല് സെക്രട്ടറിയായ അദ്ദേഹം 2012 ല് സിപിഐ ദേശീയ എക്സിക്യുട്ടീവ് അംഗവുമായി. 2015 അദ്ദേഹം കമ്മ്യൂണിസ്റ്റ് പാര്ട്ടി ഓഫ് ഇന്ത്യയുടെ കേരള സംസ്ഥാന കമ്മിറ്റി സെക്രട്ടറിയായും അദ്ദേഹം തെരഞ്ഞെടുക്കപ്പെട്ടു.
കോട്ടയം ജില്ലയിലെ കാനം എന്ന ഗ്രാമത്തില് വി.കെ. പരമേശ്വരന് നായരുടെ മകനായി 1950 നവംബര് 10-നായിരുന്നു അദ്ദേഹത്തിന്റെ ജനനം.
