HIGHLIGHTS : തിരുവനന്തപുരം: വിവാദ കാര്ഷിക നിയമങ്ങള് പിന്വലിച്ച കര്ഷകര്ക്ക് അഭിവാദ്യമര്പ്പിച്ച് മുഖ്യമന്ത്രി പിണറായി വിജയന്. ഐതിഹാസികമായ കര്ഷക സമരത്തിനു ...
തിരുവനന്തപുരം: വിവാദ കാര്ഷിക നിയമങ്ങള് പിന്വലിച്ച കര്ഷകര്ക്ക് അഭിവാദ്യമര്പ്പിച്ച് മുഖ്യമന്ത്രി പിണറായി വിജയന്. ഐതിഹാസികമായ കര്ഷക സമരത്തിനു വിജയം കുറിച്ചുകൊണ്ട് കാര്ഷിക നിയമങ്ങള് പിന്വലിക്കപ്പെട്ടിരിക്കുന്നു. സമത്വപൂര്ണമായ ലോകനിര്മ്മിതിയ്ക്കായി നടക്കുന്ന വര്ഗസമരങ്ങളുടെ ചരിത്രത്തിലെ ഉജ്ജ്വലമായ ഒരേടാണ് ഇന്ത്യന് കര്ഷകര് രചിച്ചിരിക്കുന്നത്. വെല്ലുവിളികള് ഏറെയുണ്ടായിട്ടും തളരാതെ പൊരുതിയ കര്ഷകര്ക്ക് അഭിവാദ്യങ്ങള് നേരുന്നു.എന്നാണ് മുഖ്യമന്ത്രി തന്റെ ഫേസ്ബുക്ക് പേജില് കുറിച്ചത്.
ശക്തമായ കര്ഷ പ്രക്ഷോഭത്തിന് മുന്നില് മുട്ടുമടക്കിയാണ് കേന്ദ്രസര്ക്കാര് കാര്ഷിക നിയമങ്ങള് പിന്വലിക്കാന് തീരുമാനിച്ചിരിക്കുന്നത്. ഒരു വര്ഷത്തിലധികം നീണ്ട കര്ഷകരുടെ പ്രതിഷേധ സമരങ്ങള്ക്ക് പിന്നാലെയാണ് നിയമങ്ങള് പിന്വലിക്കുകയാണെന്ന് പ്രധാനമന്ത്രി അറിയിച്ചത്.
മൂന്ന് കാര്ഷിക നിയമങ്ങളും പിന്വലിക്കുമെന്നും നിയമം ചിലര്ക്ക് ബുദ്ധിമുട്ടുണ്ടായ സാഹചര്യത്തിലാണ് പിന്വലിക്കാന് തീരുമാനമെടുത്തതെന്നും പ്രധാനമന്ത്രി നരേന്ദ്രമോഡി രാജ്യത്തെ അഭിസംബോധന ചെയ്ത് പറഞ്ഞത്.