കൊച്ചി: ചേന്ദമംഗലത്ത് ഒരു കുടുംബത്തിലെ മൂന്ന് പേരെ കൊലപ്പെടുത്തിയ കേസിലെ പ്രതി ഋതുവിന്റെ വീട് നാട്ടുകാര് അടിച്ചുതകര്ത്തു. സംഘര്ഷാവസ്ഥ ഉടലെടുത്തതിനെത്തുടര്ന്ന് പൊലീസ് സംഭവ സ്ഥലത്തെത്തിയാണ് വീടിന് മുന്നില് നിന്നും നാട്ടുകാരെ മാറ്റിയത്. സംഭവത്തില് രണ്ടു പേരെ പൊലീസ് പിടികൂടി. പ്രദേശത്ത് കനത്ത പൊലീസ് സുരക്ഷ ഏര്പ്പെടുത്തിയിട്ടുണ്ട്.
കഴിഞ്ഞ ദിവസമാണ് ചേന്ദമംഗലത്ത് നാടിനെ നടുക്കിയ കൂട്ടക്കൊല നടന്നത്. പേരേപ്പാടം കാട്ടിപ്പറമ്പില് വേണു (69), ഭാര്യ ഉഷ (62), മകള് വിനീഷ (32) എന്നിവരാണ് അതിദാരുണമായി കൊല്ലപ്പെട്ടത്.
ഇവരുടെ അയല്വാസിയാണ് ഋതു. ഇയാളുടെ ആക്രമണത്തില് ജിതിന് തലയ്ക്ക് സാരമായി പരിക്കേറ്റു. ജിതിന് നിലവില് ചേന്ദമംഗലത്തെ സ്വകാര്യ ആശുപത്രിയില് ചികിത്സയിലാണ്.
പ്രതിയെ കസ്റ്റഡിയി ലെടുക്കാന് പൊലീസ് അപേക്ഷ നല്കാനാരിക്കെയാണ് ഇത്തരമൊരു സംഭവം. ഋതു ജയന്റെ പിടിയിലായതിന് പിന്നാലെ മാതാപിതാക്കള് അടുത്തുള്ള ബന്ധുവീട്ടിലേക്ക് മാറിയിരുന്നു. ആക്രമണം നടക്കുമ്പോള് വീട്ടില് ആരുമുണ്ടായിരുന്നില്ല. വലിയ പ്രതിഷേധം നിലനില്ക്കുന്നതിനാല് തെളിവെടുപ്പിന് പ്രതിയെ സ്ഥലത്തെത്തിക്കുമ്പോള് വലിയ പ്രതിഷേധം ഉണ്ടാകാനുള്ള സാധ്യതയുണ്ട്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
