HIGHLIGHTS : 11 people who died in the fire in Kuwait were Malayalis
കുവൈത്ത് സിറ്റി: കുവൈത്തില് തൊഴിലാളികളുടെ ക്യാമ്പിലുണ്ടായ തീപിടിത്തത്തില് മരിച്ചവരില് 11 പേര് മലയാളികളടക്കം 21 ഇന്ത്യക്കാര്. ഇതില് ഒരാള് കൊല്ലം സ്വദേശിയാണ്. കൊല്ലം പൂയപ്പള്ളി പയ്യക്കോട് സ്വദേശി ഷമീര് ആണ് മരിച്ചത്. നിലവില് കൊല്ലം-ആലപ്പുഴ ജില്ലാ അതിര്ത്തിയില് വയ്യാങ്കരയിലാണ് താമസം. 46 ഇന്ത്യക്കാരാണ് ചികിത്സയിലുള്ളത്.
തീപിടിത്തമുണ്ടായത് മലയാളിയുടെ ഉടമസ്ഥതയിലുള്ള കമ്പനിയിലെ ജീവനക്കാര് താമസിച്ച ഫ്ലാറ്റിലാണ്. മാംഗെഫില് എന്ബിടിസി കമ്പനിയുടെ നാലാം നമ്പര് ക്യാംപിലാണ് അഗ്നിബാധയുണ്ടായത്. പുലര്ച്ചെ നാലിനാണ് തീപിടിത്തമുണ്ടായത്. മുഴുവന് പേരും ഉറക്കത്തിലായിരുന്നപ്പോഴാണ് തീ പടര്ന്നു പിടിച്ചത്. 20 ഗ്യാസ് സിലിണ്ടറുകള് പൊട്ടിത്തെറിച്ചത് അപകടത്തിന്റെ വ്യാപ്തി കൂട്ടി. രക്ഷപ്പെടാന് ഉള്ള വ്യഗ്രതയില് തിക്കും തിരക്കും ഉണ്ടായി. രക്ഷപ്പെടാനായി കെട്ടിടത്തിനു പുറത്തേക്ക് ചാടി നട്ടെല്ലിന് പരിക്ക് പറ്റിയ നിരവധി പേര് ചികിത്സയിലാണ്. അഞ്ച് ഫയര് ഫോഴ്സ് ഉദ്യോഗസ്ഥര്ക്കും പരിക്കേറ്റു. അല് അദാന് ആശുപത്രിയില് 30 ഇന്ത്യക്കാര് ചികിത്സയിലുണ്ട്. അല് കബീര് ആശുപത്രിയില് ചികിത്സയിലുള്ളത് 11 പേരാണ്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു