HIGHLIGHTS : ബംഗാള് ഉള്ക്കടലില് രൂപം കൊണ്ട ബുറേവി ശ്രീലങ്കയില് നാശം വിതച്ചു. ജാഫ്നയില് വീടുകള് തകര്ന്നു. കിളിനൊച്ചി മേഖലയില് കനത്ത മഴ തുടരുകയാണെന്ന് റിപ...
ബംഗാള് ഉള്ക്കടലില് രൂപം കൊണ്ട ബുറേവി ശ്രീലങ്കയില് നാശം വിതച്ചു. ജാഫ്നയില് വീടുകള് തകര്ന്നു. കിളിനൊച്ചി മേഖലയില് കനത്ത മഴ തുടരുകയാണെന്ന് റിപ്പോര്ട്ടുണ്ട്.ശ്രീലങ്കയില് വെള്ളപ്പൊക്ക മുന്നറിയിപ്പുമുണ്ട്. 75000 പേരെ മാറ്റിപ്പാര്പ്പിച്ചു . ശ്രീലങ്കന് തീരം താണ്ടി ഗള്ഫ് ഓഫ് മാന്നാറിലേക്ക് കടന്നു .
ഏകദേശം ഉച്ചയോടെ കന്യാകുമാരിക്കും പാമ്പനുമിടയില് ആയിരിക്കും ഇന്ത്യന് തീരം തൊടുക . തീരത്തെത്തുമ്പോള് ചുഴലിക്കാറ്റിന് മണിക്കൂറില് ഏകദേശം 70 മുതല് 80 കിമീ വരെ വേഗതയുണ്ടാകും.കേരള തീരത്തെത്തുമ്പോള് തീവ്രത കുറയുമെന്നും റിപ്പോര്ട്ടുണ്ട് . നാളെ ചുഴലിക്കാറ്റ് ശക്തി കുറഞ്ഞ് അതിതീവ്ര ന്യൂനമര്ദമാകുമെന്നാണ് കാലാവസ്ഥ വകുപ്പിന്റെ വിലയിരുത്തല്.
തെക്കന് കേരളത്തിലും തമിഴ് നാട്ടിലുമാണ് ശക്തമായ ചുഴലിക്കാറ്റ് ഉണ്ടാവുന്ന മുന്നറിയിപ്പുള്ളത്. കേരളത്തില് തുരുവനന്തപുരം,കൊല്ലം,ആലപ്പുഴ,പത്തനംതിട്ട ജില്ലകളില് ഇന്ന് റെഡ് അലേര്ട്ടും കോട്ടയം,ഇടുക്കി,എറണാകുളം ജില്ലകളില് ഓറഞ്ച് അലേര്ട്ടും പ്രഖ്യാപിച്ചിട്ടുണ്ട്.
തമിഴ്നാട്ടില് 5 ജില്ലകളില് റെഡ് അലേര്ട്ടുണ്ട്.