HIGHLIGHTS : There is no need to worry about the incident involving Kozhikode sea; District Collector
കോഴിക്കോട്: ജില്ലയില് നൈനാന് വളപ്പില് തീരത്ത് ഇന്ന് വൈകുന്നേരത്തോട് കൂടി കടല് ഉള്വലിഞ്ഞ സംഭവത്തില് ആശങ്കപ്പെടേണ്ട സാഹചര്യമില്ലെന്ന് ജില്ലാ കലക്ടര് ഡോ. എന്. തേജ് ലോഹിത് റെഡ്ഡി അറിയിച്ചു.
കടല് ഉള്വലിഞ്ഞ പ്രദേശങ്ങള്ക്ക് സമീപം ഉള്ളവര് ഈ സമയങ്ങളില് കടലില് ഇറങ്ങാതിരിക്കാന് പ്രത്യേകം ശ്രദ്ധിക്കണമെന്നും ജില്ലാ കലക്ടര് പറഞ്ഞു.
ഈ പ്രതിഭാസം ഒരു പ്രാദേശിക സംഭവം മാത്രമാണ്. അറബിക്കടലിലോ ഇന്ത്യന് മഹാസമുദ്രത്തിലോ ഭൂചലനമോ സുനാമി മുന്നറിയിപ്പോ നിലനില്ക്കുന്നില്ല. തികച്ചും പ്രാദേശികമായ കാറ്റിന്റെ അവസ്ഥ കൊണ്ടാകാം ഈ പ്രതിഭാസം ഉണ്ടായതെന്നും കടല് തീരങ്ങളില് താമസിക്കുന്നവര് ജാഗ്രത പുലര്ത്തണമെന്നും കലക്ടര്അറിയിച്ചു.