HIGHLIGHTS : Wear a mask while alone in the car; The Delhi High Court said the order was absurd.
ന്യൂഡല്ഹി : ഒറ്റയ്ക്കു വാഹനം ഓടിച്ചുപോകുമ്പോഴും മാസ്ക് ധരിക്കണമെന്ന ഡല്ഹി സര്ക്കാരിന്റെ ഉത്തരവിനെതിരെ ഡല്ഹി ഹൈക്കോടതി. കാറിനുള്ളില് ഒറ്റയ്ക്കാണെങ്കിലും മാസ്ക് നിര്ബന്ധമാക്കിയ ഉത്തരവ് അസംബന്ധമാണെന്ന് ദല്ഹി ഹൈക്കോടതി. ഈ ഉത്തരവ് ഇപ്പോഴും നിലനില്ക്കുന്നത് എന്തുകൊണ്ടാണെന്നും എന്തുകൊണ്ട് ഇത് പിന്വലിക്കുന്നില്ലെന്നും കോടതി സര്ക്കാരിനോട് ചോദിച്ചു.
![](https://malabarinews.com/wp-content/uploads/2024/06/auto-caught-fire.jpg)
![](https://malabarinews.com/wp-content/uploads/2020/07/careertech.jpg)
കൊവിഡ് സാഹചര്യം മുന്പേത്തതില് നിന്ന് മാറിയ പശ്ചാത്തലത്തില് ദല്ഹി ഡിസാസ്റ്റര് മാനേജ്മെന്റ് അതോറിറ്റി (ഡി ഡി എം എ) അതിന്റെ വിവിധ മാര്ഗനിര്ദ്ദേശങ്ങള് പുനഃപരിശോധിക്കുമെന്ന് പ്രതീക്ഷിക്കുന്നതായും കോടതി പറഞ്ഞു.
![](https://malabarinews.com/wp-content/uploads/2021/11/sameeksha.jpg)
ദല്ഹിയിലെ കൊവിഡ് സ്ഥിതിഗതികള് കോടതി വിലയിരുത്തുന്ന വിഷയത്തില് സര്ക്കാരിനെ പ്രതിനിധീകരിക്കുന്ന മുതിര്ന്ന അഭിഭാഷകന് രാഹുല് മെഹ്റ കോടതിക്ക് മുമ്പാകെ ഡി ഡി എം എയുടെ മാര്ഗരേഖ പരാമര്ശിക്കുകയും അത് പുനഃപരിശോധിക്കേണ്ടതുണ്ടെന്ന് പറയുകയും ചെയ്തതിന് പിന്നാലെയാണ് ഹൈക്കോടതിയുടെ നിരീക്ഷണം.