HIGHLIGHTS : ചമ്രവട്ടം : ചമ്രവട്ടം പാലം തുറന്നതതോടെ വര്ദ്ധിച്ച വാഹന ഗതാഗതക്കുരുക്ക്
ചമ്രവട്ടം : ചമ്രവട്ടം പാലം തുറന്നതതോടെ വര്ദ്ധിച്ച വാഹന ഗതാഗതക്കുരുക്ക് ഒഴിവാക്കാന് തിരുവനന്തപുരത്ത് മുഖ്യമന്ത്രിയുള്പ്പെടെയുള്ള ഉന്നതര് ഇന്ന് യോഗം ചേരും.
തിരൂര്-ചമ്രവട്ടം റോഡ് ഏഴരമീറ്ററാക്കി വീതികൂട്ടാനും റബ്ബറൈസ് ചെയ്യാനും 7.5 കോടി രൂപയുടെ എസ്റ്റിമേറ്റാണ് തയ്യാറാക്കിയിരിക്കുന്നത്. ചമ്രവട്ടത്തിനും തിരൂരിനും ഇടയിലുള്ള ഏഴ് ജങ്ഷനുകളുടെ നവീകരണത്തിനായി 1.75 കോടി രൂപയുടെ പുദ്ധതി തയ്യാറാക്കിയിട്ടുണ്ട്.
ബസ് വെയ്റ്റിങ്ഷെഡുകള്ക്കായി 70 ലക്ഷം രൂപയും വകയിരുത്തിയതായും കെ.ടി ജലീല് എംഎല്എ പറഞ്ഞു.
ആലുങ്ങല്-മംഗലം-കൂട്ടായി കടവ് റോഡ് നവീകരണത്തിന് 1.5 കോടിയുടെ എസ്റ്റിമേറ്റാണ് തയ്യാറാക്കിയിട്ടുള്ളത്. ചമ്രവട്ടം-പുത്തൂര് റോഡ്(3 കോടി), ആലത്തിയൂര്-പള്ളിക്കടവ് റോഡ്(7.5 കോടി), കൊടയ്ക്കല്-ആലത്തിയൂര് റോഡ്(2.5 കോടി), മാങ്ങാട്ടിരി- പൂക്കൈത-പുല്ലൂണി റോഡ്(1.7 കോടി) എന്നിവയുടെ നവീകരണവും രണ്ടാംഘട്ടത്തില് നടപ്പാക്കും.
ചമ്രവട്ടം ജങ്ഷനില് നരിപറമ്പ് റോഡ്(6കോടി), നരിപറമ്പ്-പോത്തനൂര്-പെരുമ്പറമ്പ് റോഡ് (4 കോടി), തുടങ്ങിയവയുടെ നവീകരണത്തിനുള്ള പദ്ധതികള് ഒരുങ്ങിയിട്ടുണ്ട്. രണ്ടാംഘട്ടത്തില് നരിപറമ്പ് -നടക്കാവ് റോഡ്(4 കോടി), നരിപറമ്പ് ജങ്ഷന്(25 ലക്ഷം) എന്നിവ നവീകരിക്കാനും ആലോചിക്കുന്നതായി എംഎല്എ അറിയിച്ചു.