വയനാട്: വന്യജീവി ആക്രമണങ്ങള് തുടരുന്നതില് പ്രതിഷേധിച്ച് വയനാട് ജില്ലയില് വ്യാഴാഴ്ച യുഡിഎഫ് ഹര്ത്താല്. രാവിലെ ആറുമണി മുതല് വൈകീട്ട് ആറുവരെയാണ് ഹര്ത്താല്. അവശ്യ സര്വീസുകളെയും പരീക്ഷ, വിവാഹം, പള്ളിക്കുന്ന് തിരുനാള് എന്നിവയെ ഹര്ത്താലില്നിന്ന് ഒഴിവാക്കിയതായി നേതാക്കള് അറിയിച്ചു.
രണ്ടുദിവസത്തിനിടെ കാട്ടാന ആക്രമണത്തില് രണ്ടുപേര് കൊല്ലപ്പെട്ട സാഹചര്യത്തിലാണ് യുഡിഎഫിന്റെ പ്രതിഷേധം. തിങ്കളാഴ്ച വൈകിട്ട് നൂല്പ്പുഴ കാപ്പാട് ഉന്നതിയിലെ മാനു, ചൊവ്വാഴ്ച രാത്രി അട്ടമല സ്വദേശി ബാലകൃഷ്ണന് എന്നിവരാണ് കാട്ടാന ആക്രമണത്തില് കൊല്ലപ്പെട്ടത്. 43 ദിവസത്തിനിടെ നാലുപേരാണ് വന്യമൃഗ ആക്രമണത്തില് വയനാട്ടില് മരിച്ചത്.
അതേസമയം വയനാട്ടില് സ്ഥിരമായി കാട്ടാന ആക്രമണമുണ്ടാവുന്നതിന്റെ പശ്ചാത്തലത്തില് വനംവകുപ്പ് ഉന്നതതല യോഗം തുടങ്ങി. മന്ത്രി എകെ ശശീന്ദ്രന്, ചീഫ് വൈല്ഡ് ലൈഫ് വാര്ഡന്, വകുപ്പ് മേധാവിമാര് അടക്കമുള്ളവര് യോഗത്തില് പങ്കെടുത്തു. വന്യജീവി ആക്രമണം തടയാനുള്ള അടിയന്തര നടപടികളാണ് യോഗം ചര്ച്ച ചെയ്യുന്നത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
