വയനാട് ഉരുള്പൊട്ടല് ഉണ്ടായ സാഹചര്യത്തില് ആരോഗ്യ വകുപ്പ് ജില്ലാതല കണ്ട്രോള് റൂം പുലര്ച്ചെ തന്നെ തുറന്നതായി ആരോഗ്യ വകുപ്പ് മന്ത്രി വീണാ ജോര്ജ്. അടിയന്തര സാഹചര്യങ്ങളില് ആരോഗ്യ സേവനം ലഭ്യമാവാന് 8086010833, 9656938689 എന്നീ നമ്പറുകളില് ബന്ധപ്പെടാം. വൈത്തിരി, കല്പ്പറ്റ, മേപ്പാടി, മാനന്തവാടി ആശുപത്രികള് ഉള്പ്പെടെ എല്ലാ ആശുപത്രികളും സജ്ജമാണ്. രാത്രി തന്നെ എല്ലാ ആരോഗ്യ പ്രവര്ത്തകരും സേവനത്തിനായി എത്തിയിരുന്നു. കൂടുതല് ആരോഗ്യ പ്രവര്ത്തകരുടെ സംഘത്തെ വയനാട്ടില് വിന്യസിക്കും.
ആരോഗ്യ വകുപ്പ് മന്ത്രിയുടെ ഓഫീസിലും ആരോഗ്യ വകുപ്പ് ഡയറക്ടറേറ്റിലും കണ്ട്രോള് റൂമുകള്
വയനാട് ഉരുള്പൊട്ടല്: എന്.എച്ച്.എം. സ്റ്റേറ്റ് മിഷന് ഡയറക്ടര് ഡോ. ജീവന് ബാബുവിന്റെ നേതൃത്വത്തില് ആരോഗ്യ വകുപ്പിന്റെ പ്രവര്ത്തനങ്ങള് പ്രാദേശികമായി ഏകോപിപ്പിക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. ആരോഗ്യ വകുപ്പ് ഡയറക്ടര് ഡോ. കെ.ജെ. റീന, അഡീഷണല് ഡയറക്ടര് ഡോ. റീത്ത, എന്.എച്ച്.എം. സ്റ്റേറ്റ് പ്രോഗ്രാം മാനേജര് ഡോ. ബിജോയ് തുടങ്ങിയവരും ഈ സംസ്ഥാനതല സംഘത്തിലുണ്ടാകും.
ആരോഗ്യ വകുപ്പ് മന്ത്രിയുടെ ഓഫീസിലും ആരോഗ്യ വകുപ്പ് ഡയറക്ടറേറ്റിലും കണ്ട്രോള് റൂമുകള് ആരംഭിച്ചു.
ആരോഗ്യ വകുപ്പ് മന്ത്രിയുടെ ഓഫീസിലെ കണ്ട്രോള് റൂം: 8075401745
സ്റ്റേറ്റ് കണ്ട്രോള് റൂം: 9995220557, 9037277026, 9447732827.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
