കോഴിക്കോട്:മാതൃക പെരുമാറ്റച്ചട്ടം ലംഘിച്ചെന്ന പരാതിയില് വടകര ലോക്സഭാ മണ്ഡലം യുഡിഎഫ് സ്ഥാനാര്ഥി ഷാഫി പറമ്പിലിന് ജില്ലാ തെരഞ്ഞെടുപ്പ് ഓഫീസര് കൂടിയായ ജില്ലാ കലക്ടര് സ്നേഹില്കുമാര് സിംഗ് നോട്ടീസ് നല്കി. വടകര ജുമുഅത്ത് പള്ളിയോട് ചേര്ന്ന വഖഫ് ഭൂമിയില് ‘ഈദ് വിത്ത് ഷാഫി ‘ എന്ന പേരില് നടന്ന പരിപാടിയില് പങ്കെടുത്തതിനാണ് നോട്ടീസ് നല്കിയത്. ഇത് സംബന്ധിച്ച് ലഭിച്ച പരാതിയെ തുടര്ന്നാണ് നടപടി.
ആരാധനാലയങ്ങള് തെരഞ്ഞെടുപ്പ് പ്രചാരണത്തിന് ഉപയോഗിക്കുന്നത് മാതൃക പെരുമാറ്റ ചട്ടത്തിന്റെ ലംഘനമാണെന്നും ഷാഫി പറമ്പില് പ്രഥമ ദൃഷ്ട്യാ മാതൃക പെരുമാറ്റച്ചട്ടം ലംഘിച്ചതായി കണ്ടെത്തിയിട്ടുണ്ടെന്നും നോട്ടിസില് പറയുന്നു.
മൂന്ന് ദിവസത്തിനകം മറുപടി നല്കണമെന്നും നോട്ടീസില് പറയുന്നു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
