യുവ നടിയെ ബലാത്സംഗം ചെയ്തെന്ന കേസില് നിര്മാതാവും നടനുമായ വിജയ്ബാബുവിന് ഹൈക്കോടതി മുന്കൂര് ജാമ്യം അനുവദിച്ചു. ഉപാധികളോടെയാണ് ജാമ്യം അനുവദിച്ചിരിക്കുന്നത്. അഞ്ചുലക്ഷം രൂപയുടെ ബോണ്ട് കെട്ടിവയ്ക്കണം. 27 മുതല് അടുത്ത മാസം മൂന്നു വരെ അന്വേഷണസംഘത്തിന് മുന്നില് വിജയ് ബാബു ഹാജരാകണം. രാവിലെ 9 മുതല് ആറുവരെ ചോദ്യം ചെയ്യാം. തുടങ്ങിയ ഉപാധികളോടെയാണ് ജാമ്യം അനുവദിച്ചത്. അറസ്റ്റ് ചെയ്താല് ജാമ്യം നല്കണമെന്നും, അന്വേഷണവുമായി സഹകരിക്കാനും കോടതി നിര്ദ്ദേശം നല്കി.
പെണ്കുട്ടിയെ സ്വാധീനിക്കുന്ന തരത്തിലുള്ള ഇടപെടലുകള് നടത്തരുതെന്നും കോടതി ഉപാധി വെച്ചിട്ടുണ്ട്. വിദേശത്ത് നിന്ന് മുന്കൂര് ജാമ്യ ഹര്ജി നല്കുന്നതില് പ്രശ്നം ഇല്ല. വാദം നടക്കുമ്പോള് ഇന്ത്യയില് ഉണ്ടായാല് മതി. കേരളം വിട്ട് പോകരുത് എന്നും കോടതി നിര്ദ്ദേശം നല്കി.
നേരത്തേ, പരാതിക്കാരിയുടെ പേര് വെളിപ്പെടുത്തിയതിനു റജിസ്റ്റര് ചെയ്ത കേസില് വിജയ് ബാബുവിന്റെ മുന്കൂര് ജാമ്യാപേക്ഷ ഹൈക്കോടതി തള്ളിയിരുന്നു. ജാമ്യം ലഭിക്കാവുന്ന വകുപ്പുകള് പ്രകാരമാണു കേസെടുത്തിരിക്കുന്നതെന്നു വിലയിരുത്തിയാണു ജസ്റ്റിസ് ബെച്ചു കുര്യന് തോമസ് ഹര്ജി തള്ളിയത്.
