പ്രീ പ്രൈമറി വിദ്യാലയങ്ങളെ മനോഹരവും ആകര്ഷകവുമാക്കുന്ന വര്ണ്ണക്കൂടാരം പദ്ധതി കോട്ടയ്ക്കല് ജി.എം.യു.പി സ്കൂളില് യാഥാര്ത്ഥ്യമായി. കായിക വകുപ്പ് മന്ത്രി വി. അബ്ദുറഹിമാന് ഉദ്ഘാടനം ചെയ്തു. പുതിയ തലമുറയ്ക്ക് കണ്ടും കേട്ടും അറിഞ്ഞും വളരാന് പദ്ധതി ഉപകരിക്കുമെന്ന് മന്ത്രി പറഞ്ഞു. പൊതുവിദ്യാഭ്യാസ സ്ഥാപനങ്ങളിലേക്ക് കൂടുതല് കുട്ടികള് എത്തുന്നുവെന്നത് അത്തരം സ്ഥാപനങ്ങളുടെ മികവിന് ഉദാഹരണമെന്നും അദ്ദേഹം കൂട്ടിച്ചേര്ത്തു. പ്രൊഫ. ആബിദ് ഹുസൈന് തങ്ങള് എം.എല്.എ അധ്യക്ഷനായിരുന്നു.
കുട്ടികളെ ആകര്ഷിക്കുകയും അവരുടെ അക്കാദമിക ഭൗതിക മാനസിക ചിന്തകള് വികസിപ്പിക്കുകയും ചെയ്യുന്ന ചുമര്ചിത്രങ്ങള്, വര്ണ്ണക്കൂടാരത്തിന്റെ പ്രത്യേകതയാണ്. അടിസ്ഥാന സൗകര്യ വികസനത്തോടൊപ്പം പ്രീ പ്രൈമറി വിദ്യാഭ്യാസത്തിന്റെ പ്രാധാന്യം ഉറപ്പാക്കാന് സമഗ്ര ശിക്ഷ കേരള നടപ്പാക്കിയ പ്രീ സ്കൂള് ശാക്തീകരണ പദ്ധതിയാണ് വര്ണ്ണക്കൂടാരം. സംസ്ഥാനത്തെ മുഴുവന് പ്രീ പ്രൈമറി ക്ലാസ്സുകളെയും അന്താരാഷ്ട്ര നിലവാരത്തില് എത്തിക്കുകയാണ് പദ്ധതിയിലൂടെ.
പരിപാടിയില് കോട്ടയ്ക്കല് നഗരസഭാ അധ്യക്ഷ ബുഷ്റ ഷബീര്, ഉപാധ്യക്ഷന് പി.പി ഉമ്മര്, വിവിധ സ്ഥിരം സമിതി അധ്യക്ഷന്മാര്, കൗണ്സിലര്മാര്, ഹെഡ്മാസ്റ്റര് എം. പ്രഹ്ളാദ് കുമാര് എന്നിവര് സംസാരിച്ചു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
