യുവതിയെ പീഡിപ്പിച്ചെന്ന പരാതിയില് ഒളിവിലായിരുന്ന വ്ലോഗര് ശ്രീകാന്ത് വെട്ടിയാര് കീഴടങ്ങി. ഇന്ന് രാവിലെ അഭിഭാഷകനൊപ്പം എറണാകുളം സെന്ട്രല് പൊലീസ് സ്റ്റേഷനിലെത്തിയാണ് കീഴടങ്ങിയത്. കേസെടുത്തതിന് പിന്നാലെ ഇയാള് ഒളിവിലായിരുന്നു.
രണ്ടുദിവസത്തെ ചോദ്യംചെയ്യലിനായി ഹൈക്കോടതി നിര്ദ്ദേശപ്രകാരമാണ് എറണാകുളം സെന്ട്രല് സ്റ്റേഷനില് ഹാജരായത്. കേസില് ഇദ്ദേഹത്തിന് ഹൈക്കോടതി മുന്കൂര് ജാമ്യം നല്കിയിരുന്നു. ഈ സാഹചര്യത്തില് ഇന്ന് ശ്രീകാന്തിന്റെ അറസ്റ്റ് രേഖപ്പെടുത്തുകയാണെങ്കില് ഇന്ന് തന്നെ കോടതിയില് ഹാജരാക്കി ജാമ്യം നല്കും.
ബലാല്സംഗ കുറ്റം ചുമത്തിയാണ് ശ്രീകാന്തിനെതിരെ കേസെടുത്തത്. കൊല്ലം സ്വദേശിയായ യുവതിയാണ് പരാതിക്കാരി. കഴിഞ്ഞ വര്ഷം ഫെബ്രുവരിയില് പിറന്നാള് ആഘോഷത്തിനായി വിളിച്ചുവരുത്തി ആലുവയിലെ ഫ്ളാറ്റില് വെച്ചും പിന്നീട് കൊച്ചിയിലെ ഹോട്ടല് മുറിയില് വെച്ചും പീഡിപ്പിച്ചെന്നാണ് യുവതിയുടെ പരാതി. ചോദ്യംചെയ്യലില് മതിയായ തെളിവുകള് ലഭിച്ചാല് അറസ്റ്റ് രേഖപ്പെടുത്തും.
