തിരൂരങ്ങാടി: തിരൂരങ്ങാടി മുൻ ഗ്രാമപഞ്ചയാത്ത് പ്രസിഡന്റും പൊതുപ്രവർത്തകനും ദീർഘകാലം പന്താരങ്ങാടി മഹല്ല് കമ്മിറ്റി സെക്രട്ടറിയുമായിരുന്ന പന്താരങ്ങാടി വലിയ പീടിയേക്കൽ അഹമ്മദ്കുട്ടി ഹാജി (65) നിര്യാതനായി. ഭാര്യ: കദിയുമ്മ.
നാട്ടിലെ സാമൂഹ്യ സാംസ്കാരിക മേഖലകളിൽ സജീവമായിരുന്ന അഹമ്മദ്കുട്ടി ഹാജി തിരൂരങ്ങാടി ഗ്രാമപഞ്ചായത്ത് ഉപാദ്ധ്യക്ഷൻ, സ്ഥിരം സമിതി അദ്ധ്യക്ഷൻ പദവികളും വഹിച്ചിട്ടുണ്ട്. നിലവിൽ നഗരസഭ കാര്യാലയം പ്രവർത്തിക്കുന്ന കെട്ടിടം ഇദ്ദേഹം ഗ്രാമപഞ്ചായത്ത് പ്രസിഡന്റായിരിക്കെ നിർമ്മിച്ചതും.പുര പദ്ധതിയുടെ രേഖ കേന്ദ്ര നഗരവികസന മന്ത്രിയായിരുന്ന ജയറാം രമേശിന് കൈമാറിയിരുന്നതും ഇദ്ധേഹമായിരുന്നു, മുസ്ലിം ലീഗ് തിരൂരങ്ങാടി മുനിസിപ്പൽ കമ്മിറ്റി വൈസ് പ്രസിഡന്റ്, ടൗൺ ലീഗ് കമ്മിറ്റി ട്രഷറർ, മുസ്ലിം ലീഗ് മണ്ഡലം കമ്മിറ്റി പ്രവർത്തക സമിതി അംഗം എന്നീ സ്ഥാനങ്ങൾ വഹിച്ചിരുന്നു. സഹോദരങ്ങൾ: സൈതലവി ഹാജി, അബ്ദുൽകാദർ, ഇസ്ഹാഖ്.കുഞ്ഞിമുഹമ്മദ് ഹാജി, ഫാത്തിമ, ബിയ്യാച്ച, പരേതനായ ഇസ്മയിൽ
ഖബറടക്കം വൈകുന്നേരം 4മണിക്ക് പന്താരങ്ങാടി ജുമാമസ്ജിദില്.
