കൊച്ചി: കൊച്ചി വാട്ടര് മെട്രോയുടെ പുതിയ രണ്ട് സര്വീസുകള് ഞായറാഴ്ച മുതല് ആരംഭിക്കും. ഹൈക്കോര്ട്ട് ജംഗ്ഷന് ടെര്മിനലില് നിന്ന് ബോല്ഗാട്ടി, മുളവുകാട് നോര്ത്ത് ടെര്മിനലുകള് വഴി സൗത്ത് ചിറ്റൂര് ടെര്മിനല് വരെയാണ് ഒരു റൂട്ട്. സൗത്ത് ചിറ്റൂര് ടെര്മിനലില് നിന്ന് ഏലൂര് ടെര്മിനല്വഴി ചേരാനെല്ലൂര് ടെര്മിനല് വരെയുള്ളതാണ് മറ്റൊരു റൂട്ട്.
മുളവുകാട് നോര്ത്ത്, സൗത്ത് ചിറ്റൂര്, ഏലൂര്, ചേരാനെല്ലൂര് എന്നീ നാല് ടെര്മിനലുകള് നാളെ മുഖ്യമന്ത്രി ഉദ്ഘാടനം ചെയ്യും. ഈ ടെര്മിനലുകളെ ബന്ധിപ്പിച്ചുള്ള സര്വീസുകളാണ് ഞായറാഴ്ച ആരംഭിക്കുക. പരമാവധി 40 രൂപയാണ് ടിക്കറ്റ് നിരക്ക്. നിലവില് ഹൈക്കോര്ട്ട് ജംഗ്ഷന്-വൈപ്പിന്- ബോള്ഗാട്ടി, വൈറ്റില-കാക്കനാട് എന്നീ മൂന്ന് റൂട്ടുകളിലായി 13 ബോട്ടുകളാണ് വാട്ടര് മെട്രോയ്ക്കായി സര്വീസ് നടത്തുന്നത്.
വാട്ടര് മെട്രോ
കഴിഞ്ഞ പത്തു മാസത്തിനിടെ പതിനേഴര ലക്ഷം ആളുകളാണ് വാട്ടര് മെട്രോയില് യാത്ര ചെയ്തത്. പാലിയംതുരുത്ത്, കുമ്പളം, വില്ലിങ്ടണ് ഐലന്ഡ്, മട്ടാഞ്ചേരി എന്നീ ടെര്മിനലുകളുടെ നിര്മാണമാണ് ഇപ്പോള് നടക്കുന്നത്. പദ്ധതി പൂര്ത്തിയാകുമ്പോള് പത്ത് ദ്വീപുകളിലായി 38 ടെര്മിനലുകള് ബന്ധിപ്പിച്ച് 78 വാട്ടര് മെട്രോ ബോട്ടുകള് സര്വ്വീസ് നടത്തും.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
