HIGHLIGHTS : The Karnataka High Court has dismissed Exalogic's plea to quash the probe by central agency SFIO into the Exalogic-CMRL transactions.
ബംഗളൂരു: എക്സാലോജിക്-സിഎംആര്എല് ഇടപാടുകളില് കേന്ദ്ര ഏജന്സിയായ എസ് എഫ് ഐ ഒയുടെ അന്വേഷണം റദ്ദാക്കണമെന്ന എക്സാലോജിക്കിന്റെ ഹരജി കര്ണാടക ഹൈക്കോടതി തള്ളി.
കര്ണാടക ഹൈക്കോടതിയുടെ ബംഗളുരു പ്രിന്സിപ്പല് ബെഞ്ചാണ് ഉത്തരവ് പുറപ്പെടുവിച്ചത്. ജസ്റ്റിസ് എം. നാഗപ്രസന്ന അധ്യക്ഷനായ സിംഗിള് ബെഞ്ചാണ് ഹര്ജി പരിഗണിച്ചത്. ഒറ്റ വരി വിധിയാണ് പുറപ്പെടുവിച്ചത്. ‘ഹര്ജി തള്ളുന്നു, നാളെ രാവിലെ 10.30ന് വിശദമായ വിധിപ്പകര്പ്പ് നല്കാം’ എന്നാണ് കോടതി പറഞ്ഞത്.
കമ്പനി നിയമത്തിലെ 21ആം വകുപ്പ് കരിനിയമമായി ഉപയോഗിക്കുന്നുവെന്നായിരുന്നു എക്സാലോജികിന്റെ പ്രധാന വാദം. അതിന്റെ ഭാഗമാണ് എസ്എഫ്ഐഒ അന്വേഷണം. അതീവ ഗുരുതര സാഹചര്യങ്ങളില് മാത്രമാണ് എസ്എഫ്ഐഒ അന്വേഷണം അനിവാര്യം. രണ്ട് കമ്പനികള് സോഫ്റ്റ് വെയര് കൈമാറ്റം നടത്തിയതിന് എസ്എഫ്ഐഒ അന്വേഷണം ആനുപാതികമല്ലെന്നുമായിരുന്നു എക്സാലോജികിന്റെ വാദം. വീണാ വിജയന്റെ എക്സാ ലോജിക് കമ്പനിക്ക് വേണ്ടി സുപ്രീം കോടതിയിലെ മുതിര്ന്ന അഭിഭാഷകന് അരവിന്ദ് പി ദത്തര് ആണ് ഹാജരായത്.
എക്സാലോജിക് – സിഎംആര്എല് ഇടപാടിലാണ് എസ്എഫ്ഐഒ അന്വേഷണം നടത്തുന്നത്. ഇതുസംബന്ധിച്ച് വിവിധ രേഖകള് അന്വേഷണ ഉദ്യോഗസ്ഥര് പരിശോധിക്കുന്നുണ്ട്.പരാതിയില് അന്വേഷണം നടത്താന് എട്ടുമാസത്തെ സമയമാണ് അനുവദിച്ചിരിക്കുന്നത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു