ലോകബാങ്ക് മാനേജിംഗ് ഡയറക്ടര് അന്ന വെര്ദെയുമായി വാഷിങ്ടണില് മുഖ്യമന്ത്രി പിണറായി വിജയന് കൂടിക്കാഴ്ച്ച നടത്തി. കേരളത്തിന്റെ അടിസ്ഥാന സൗകര്യ മേഖലകളില് നിക്ഷേപത്തിന് തയ്യാറാണെന്ന് ലോകബാങ്ക് അധികൃതര് പറഞ്ഞു. നിലവില് ലോകബാങ്കിന്റെ സഹകരണമുള്ള റീ ബില്ഡ് കേരള ഇനിഷ്യേറ്റീവ് അടക്കമുള്ള പദ്ധതികളിലെ പുരോഗതിയും കൂടിക്കാഴ്ച്ചയില് ചര്ച്ചയായി.
റീബില്ഡ് കേരള ഇനിഷ്യേറ്റീവിന്റെ ഭാഗമായി കേരളത്തില് നടപ്പിലാക്കി വരുന്ന വിവിധ വികസന, നയ പരിപാടികള് അവലോകനം ചെയ്യുന്നതിനായി ലോകബാങ്ക് വൈസ് പ്രസിഡന്റിന്റെ നേതൃത്വത്തിലുള്ള ഉന്നതതല സംഘം കേരളത്തിലെത്തി മുഖ്യമന്ത്രിയുമായി നേരത്തെ ചര്ച്ച നടത്തിയിരുന്നു. ഇതിന്റെ തുടര്ച്ചയായാണ് വാഷിംഗ്ടണ് ഡി.സിയില് മുഖ്യമന്ത്രിയുമായി ലോക ബാങ്കിന്റെ മുതിര്ന്ന ഉദ്യോഗസ്ഥര് ചര്ച്ച നടത്തിയത്.
ധനകാര്യ മന്ത്രി കെ എന് ബാലഗോപാല്, ചീഫ് സെക്രട്ടറി വി.പി ജോയി, പ്ലാനിംഗ് ബോര്ഡ് ഉപാദ്ധ്യക്ഷന് ഡോ. വി.കെ രാമചന്ദ്രന് എന്നിവര് ചര്ച്ചയില് പങ്കാളികളായി.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
