കോയമ്പത്തൂര്: കാണാതായ വിദ്യാര്ഥിനിയുടെ മൃതദേഹം ചാക്കില്ക്കെട്ടി ഉപേക്ഷിച്ച നിലയില് കണ്ടെത്തി. ശരവണംപട്ടിക്കു സമീപം ശിവാനന്ദപുരം സ്വദേശിയായ പത്താം ക്ലാസ് വിദ്യാര്ഥിനിയുടെ മൃതദേഹമാണു കണ്ടെത്തിയത്.
കഴിഞ്ഞ 12നാണ് പെണ്കുട്ടിയെ കാണാതായത്. ബന്ധുക്കളുടെയും കൂട്ടുകാരുടെയും വീടുകളില് തിരഞ്ഞിട്ടും കണ്ടെത്താനായില്ല. തുടര്ന്നു ശരവണംപട്ടിയ പോലീസില് പരാതിപ്പെട്ടു.
ഇന്നലെ ശിവനന്ദപുരത്ത് ഉപേക്ഷിച്ച നിലയില് കണ്ട ചാക്കുകെട്ടില് നിന്നും ദുര്ഗന്ധം അനുഭവപ്പെട്ടതിനെ തുടര്ന്നു നാട്ടുകാര് പോലീസില് വിവരമറിയിച്ചു. പോലീസെത്തി ചാക്കുക്കെട്ടു പരിശോധിച്ചപ്പോള് ഭാഗികമായി അഴുകിയ മൃതദേഹം കണ്ടു. കൈകാലുകള് ബന്ധിച്ചിരുന്നു. രക്ഷിതാക്കള് മൃതദേഹം മകളുടേതാണെന്ന് തിരിച്ചറിഞ്ഞു. പോലീസ് അന്വേഷണം ആരംഭിച്ചു.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
