ചാന്സലര് സ്ഥാനത്ത് നിന്ന് ഗവര്ണര് ആരിഫ് മുഹമ്മദ് ഖാനെ മാറ്റാനുള്ള ബില് നിയമസഭ ഇന്ന് പാസാക്കും. സബ്ജക്ട് കമ്മിറ്റിക്ക് വിട്ട ബില്ലാണ് ഇന്ന് ചര്ച്ച ചെയ്ത് പാസാക്കുന്നത്. ഗവര്ണര്ക്ക് പകരം പ്രമുഖരായ വിദ്യാഭ്യാസ വിദഗ്ധരെ ചാന്സലറാക്കണം എന്നാണ് ബില്ലിലെ ആവശ്യം.
വിസി ഇല്ലെങ്കില് പകരം ചുമതല പ്രോ വിസിക്കോ മറ്റ് സര്വകലാശാല വിസിമാര്ക്കോ നല്കും എന്നായിരുന്നു കരട് ബില്ലിലെ വ്യവസ്ഥ. ഇത് യുജിസി മാര്ഗ നിര്ദേശത്തിന് വിരുദ്ധമാണെന്നാണ് പ്രതിപക്ഷ നിലപാട്. ബില് നിയമസഭ പാസാക്കിയാലും ഗവര്ണര് ഒപ്പിടില്ല.
ചാന്സലര് സ്ഥാനത്തു നിന്നും ഗവര്ണറെ മാറ്റുന്നതിനോട് യോജിപ്പാണെന്ന് പറഞ്ഞെങ്കിലും ബദല് സംവിധാനത്തോടുള്ള എതിര്പ്പുള്ളതിനാല് ബില്ലിനെ പ്രതിപക്ഷം എതിര്ക്കും. ഗവര്ണറെ മാറ്റുന്നതിനോടല്ല ബദല് സംവിധാനത്തോടാണ് എതിര്പ്പെന്ന് പ്രതിപക്ഷ നേതാവ് നേരത്തെ വ്യക്തമാക്കിയിരുന്നു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
