ഇന്ത്യയുടെ ഇതിഹാസതാരം സച്ചിന് ടെന്ഡുല്ക്കറിന്റെ മകന് അര്ജുന് ടെന്ഡുല്ക്കര് അരങ്ങേറ്റ മത്സരം അവിസ്മരണീയമാക്കി. ഐപിഎല്ലില് സച്ചിന് അണിഞ്ഞ ഏക കുപ്പായം മുംബൈ ഇന്ത്യന്സിന്റെ ആയിരുന്നു. വളരെ കാലത്തെ കാത്തിരിപ്പിന് ശേഷമാണ് അര്ജുന് പിതാവ് ഐപിഎല് കരിയറിലുടനീളം കളിച്ച അതേ മുംബൈയുടെ ആ നീല ജേഴ്സിയില് ഐപിഎല്ലില് കൊല്ക്കത്ത നൈറ്റ് റൈഡേഴ്സിന് എതിരെ അരങ്ങേറ്റം നടത്തിയത്. ഇന്ന് അര്ജുന് അരങ്ങേറ്റം കുറിച്ചതോടെ ഐപിഎല്ലില് കളിക്കുന്ന ആദ്യ അച്ഛനും മകനും എന്ന റെക്കോര്ഡ് ഇരുവരുടെയും പേരിലായി. മത്സരശേഷം മകന് ആശംസയുമായി രംഗത്ത് വന്നിരിക്കുകയാണ് സച്ചിന്.
‘ അര്ജുന്, ഒരു ക്രിക്കറ്റ് താരമാകാനുള്ള യാത്രയില് മറ്റൊരു സുപ്രധാന ചുവടുവയ്പ്പ് നടത്തിയിരിക്കുന്നു നീ. ക്രിക്കറ്റിനോട് ഇഷ്ടമുള്ള, നിന്നെ സ്നേഹിക്കുന്ന ഒരു പിതാവെന്ന നിലയില് ഈ മത്സരത്തിന് അര്ഹിക്കുന്ന ബഹുമാനം നല്കിയാല് അത് നിന്നെ തിരിച്ചു സ്നേഹിക്കുമെന്ന് എനിക്കറിയാം. വളരെയധികം കഠിനാധ്വാനം ചെയ്താണ് നീ ഇവിടെയെത്തിയത്. അത് ഇനിയു തുടരുമെന്നും ഉറപ്പാണ്. ഇതൊരു മനോഹരമായ യാത്രയുടെ തുടക്കമാണ്. എല്ലാ ആശംസകളും,” സച്ചിന് തന്റെ ട്വീറ്റില് കുറിച്ചു.
അരങ്ങേറ്റത്തില് തന്നെ ഇന്നിംഗ്സിലെ ആദ്യ ഓവര് എറിയാന് മുംബൈ ഇന്ത്യന്സ് നായകന് സൂര്യകുമാര് യാദവ് അര്ജുന് ടെന്ഡുല്ക്കറെ ക്ഷണിക്കുകയും ചെയ്തു. മുംബൈ ഇന്ത്യന്സ്-കൊല്ക്കത്ത നൈറ്റ് റൈഡേഴ്സ് മത്സരത്തിന് മുമ്പ് മുംബൈയുടെ സ്ഥിരം നായകന് രോഹിത് ശര്മ്മയാണ് അര്ജുന് ടെന്ഡുല്ക്കര്ക്ക് അരങ്ങേറ്റ ക്യാപ് കൈമാറിയത്. ദക്ഷിണാഫ്രിക്കന് യുവ പേസര് ഡ്വെയ്ന് യാന്സനും മത്സരത്തില് മുംബൈ അരങ്ങേറ്റത്തിന് അവസരം നല്കി. തന്റെ ആദ്യ ഓവറില് 5 റണ്സ് മാത്രം വിട്ടുകൊടുത്ത അര്ജുന് ടെന്ഡുല്ക്കര് സൂര്യയുടെ വിശ്വാസം കാത്തു. മത്സരത്തില് രണ്ട് ഓവര് എറിഞ്ഞപ്പോള് 17 റണ്സാണ് ഇരുപത്തിമൂന്ന് വയസുകാരനായ അര്ജുന് വിട്ടുകൊടുത്തത്. എന്നാല് വിക്കറ്റൊന്നും നേടാനായില്ല.
മുംബൈ വാംഖഡെ സ്റ്റേഡിയത്തിലെ മത്സരത്തില് ആദ്യം ബാറ്റ് ചെയ്ത കൊല്ക്കത്ത നൈറ്റ് റൈഡേഴ്സ് 20 ഓവറില് 6 വിക്കറ്റ് നഷ്ടത്തില് 185 റണ്സെടുത്തു. ഒറ്റയാള് പോരാളിയായി കൊല്ക്കത്തയില് നിറഞ്ഞാടി സെഞ്ച്വറി നേടിയ വെങ്കിടേഷ് അയ്യരുടെ സെഞ്ച്വറിയ്ക്കും മുംബൈ വിജയം തടയാനായില്ല.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
