HIGHLIGHTS : ദില്ലി: പൗരത്വ നിയമത്തിനോ എന്പിആറിനോ സ്റ്റേയില്ലെന്ന് സുപ്രീംകോടതി. അടുത്ത വാദം അഞ്ചാഴ്ചക്ക് ശേഷം. കേന്ദ്രത്തിന് മറുപടി നല്കാന് സുപ്രീംകോടതി നാ...
ദില്ലി: പൗരത്വ നിയമത്തിനോ എന്പിആറിനോ സ്റ്റേയില്ലെന്ന് സുപ്രീംകോടതി. അടുത്ത വാദം അഞ്ചാഴ്ചക്ക് ശേഷം. കേന്ദ്രത്തിന് മറുപടി നല്കാന് സുപ്രീംകോടതി നാലാഴ്ച സമയം അനുവദിച്ചു. കേന്ദ്രസര്ക്കാറിന്റെ മറുപടി ലഭിക്കാത്ത സാഹചര്യത്തില് സ്റ്റേ നല്കാനാകില്ലെന്ന് സുപ്രീംകോടതി ചീഫ് ജസ്റ്റിസ് എസ് എ ബോബ്ഡെ അറിയിച്ചു.
അസമിലെ ഹര്ജികള് പ്രത്യേകം പരിഗണിക്കും. നിയമം നടപ്പിലാക്കുന്നത് നീട്ടണം എന്ന ആവശ്യം കോടതി അംഗീകരിച്ചില്ല. കേസ് അഞ്ചംഗ ബെഞ്ചിന് കൈമാറുകയാണെന്നും സുപ്രീം കോടതി അറിയിച്ചു.
ചീഫ്ജസ്റ്റിസ് എസ് എ ബോഡെ അധ്യക്ഷനായ മൂന്നംഗ ബെഞ്ചാണ് ഹരജികള് പരിഗണിക്കുന്നത്.
140 ഹര്ജികളാണ് ഇന്ന് സുപ്രീംകോടതിയുടെ പരിഗണനയ്ക്ക് വന്നത്. 60 ഹര്ജികളില് മാത്രമാണ് കേന്ദ്രം എതിര് സത്യവാങ്മൂലം നല്കിയത്. കേസ് വീണ്ടും പരിഗണിക്കുന്നതുവരെ എന്പിആര് നടപടികള് നിര്ത്തിവെക്കണമെന്ന കപില് സിബലിന്റെ വാദം കോടതി അംഗീകരിച്ചില്ല.