കര്ണാടകയില് അധ്യാപന നിയമനത്തിനുള്ള പരീക്ഷ ഹാള് ടിക്കറ്റില് ഉദ്യോഗാര്ത്ഥിയുടെ ഫോട്ടോയ്ക്ക് പകരം ബോളിവുഡ് താരം സണ്ണി ലിയോണിന്റെ ഫോട്ടോ. ഹാള് ടിക്കറ്റിന്റെ സ്ക്രീന് ഷോട്ടുകള് സമൂഹമാധ്യമങ്ങളില് പ്രചരിച്ചതിന് പിന്നാലെ സംഭവത്തില് കര്ണാടക വിദ്യാഭ്യാസ വകുപ്പ് അന്വേഷണത്തിന് ഉത്തരവിറക്കി.
അതേസമയം, പരീക്ഷയ്ക്ക് വേണ്ടി അപേക്ഷിക്കുമ്പോള് നിര്ബന്ധമായും ഫോട്ടോ അപ്ലോഡ് ചെയ്യണ്ടതുണ്ട്. ഉദ്യോഗാര്ത്ഥികള് അപ്ലോഡ് ചെയ്യുന്ന ഫോട്ടോ ആയിരിക്കും ഹാള് ടിക്കറ്റില് അച്ചടിക്കുക എന്നാണ് വിദ്യഭ്യാസ വകുപ്പ് പ്രതികരിച്ചിരിക്കുന്നത്. സംഭവത്തില് അന്വേഷണം നടത്തി എഫ്ഐആര് ഫയല് ചെയ്യുമെന്ന് വിദ്യാഭ്യാസ വകുപ്പ് അറിയിച്ചു.
നേരത്തെ സണ്ണി ലിയോണിന്റെ ജന്മദിനമായതില് പരീക്ഷ എഴുതാന് സാധിക്കില്ലെന്ന് ഉത്തരക്കടലാസില് എഴുതിയ വിദ്യാര്ത്ഥിയുടെ വാര്ത്ത
സമൂഹ മാധ്യമങ്ങളില് വൈറലായിരുന്നു.
