HIGHLIGHTS : തൃശ്ശൂര്‍ : ഒന്‍പതാംക്ലാസ്സുകാരന്‍ ഓണ്‍ലൈനില്‍ കളിച്ചപ്പോള്‍ നഷ്ടപ്പെട്ടത് ഒരു നിര്‍ദ്ധന കുടുംബം ജീവിതകാലം മുഴുവന്‍ കഷ്ടപ്പെട്ടുണ്ടാക്കിയ സമ്പാദ്യം...
തൃശ്ശൂര്‍ : ഒന്‍പതാംക്ലാസ്സുകാരന്‍ ഓണ്‍ലൈനില്‍ കളിച്ചപ്പോള്‍ നഷ്ടപ്പെട്ടത് ഒരു നിര്‍ദ്ധന കുടുംബം ജീവിതകാലം മുഴുവന്‍ കഷ്ടപ്പെട്ടുണ്ടാക്കിയ സമ്പാദ്യം.
ഒന്‍പതാം ക്ലാസില്‍ പഠിക്കുന്ന മിടുക്കനായ വിദ്യാര്‍ത്ഥിയാണ് ഓണ്‍ലൈന്‍ പഠനത്തിനായി മേടിച്ചുകൊടുത്ത മൊബൈലില്‍ ഓണ്‍ലൈന്‍ കളികളില്‍ ഏര്‍പ്പെട്ട് നാല് ലക്ഷം രൂപ നഷ്ടപ്പെടുത്തിയത്.
കൃഷിയും കൂലിപ്പണിയും ചെയ്ത് തങ്ങളുടെ പെണ്‍കുട്ടിയുടെ വിവാഹത്തിനായി സ്വരുകൂട്ടിയതായിരുന്നു ആ തുക. മകളുടെ വിവാഹമുറപ്പിച്ചിതിന് ശേഷം ബാങ്കിലെത്തിയപ്പോളാണ് മാതാപിതാക്കള്‍ ഒരു പൈസ പോലും അകൗണ്ടിലില്ലെന്ന വിവരമറിയുന്നത്.
അന്വേഷിച്ചപ്പോളാണ് പണം പല അകൗണ്ടുകളിലേക്ക് പോയതായുള്ള രേഖകള്‍ ഇവര്‍ക്ക് ലഭിക്കുന്നത്. ഈ രേഖകളുമായി പോലീസിനെ സമീപിച്ചപ്പോളാണ് പണം പോയ വഴി കണ്ടെത്തുന്നത്.
മകന് വേടിച്ച് കൊടുത്ത ഫോണ്‍ വഴിയാണ് അമ്മയുടെ അകൗണ്ടില്‍ നിന്നും ഇടപാടുകള്‍ നടത്തിയതെന്ന് തിരിച്ചറിഞ്ഞു. അമ്മയുടെ പേരിലുള്ള സിം കാര്‍ഡായിരുന്നു ഈ കുട്ടി ഉപയോഗിച്ചിരുന്നത്. ഈ നമ്പര്‍ തന്നെയാണ് ബാങ്ക് അകൗണ്ടിലും നല്‍കിയിരുന്നത്.
ഓരോ തവണയും കളികളില്‍ പണം നഷ്ടപ്പെടുമ്പോള്‍ ബാങ്കില്‍ നിന്നും മെസേജുകള്‍ വന്നിരുന്നു. എന്നാല്‍ ഈ മെസേജും വിദ്യാര്‍ത്ഥിയുടെ ഫോണിലേക്കായതിനാല്‍ ഇക്കാര്യം മറ്റാരും അറിഞ്ഞില്ല.
സംഭവത്തില്‍ പരാതിയില്ലെങ്കിലും പോലീസ് കുട്ടിക്ക് കൗണ്‍സിലിങ് ഏര്‍പ്പെടുത്തിയിരിക്കുകയാണ്.
